اہم خبریں

جنگ گروپ کے چھ اخبارات بند : سیکڑوں ملازمین بے روزگار

کراچی۔پاکستان کے سب سے بڑے صحافتی ادارے جنگ گروپ میں ڈاﺅن سائزنگ کاعمل شروع ہوگیاہے۔گروپ کے چھ اخبار بند کر دیئے گئے ہیں اور بعض اخبارات کی بندش زیر غور ہے ۔ جنگ کراچی میں مختلف شعبوں سے کارکنوں کو فارغ کردیاگیاہے اوران کے فراغت نامے ان کے گھروں میں موصول ہوناشروع ہوگئے ہیں ۔جنگ پشاور اور جنگ فیصل آباد بند کر دیا گیا ہے۔اسی ادارے کے شام کے اخبارات ”روزنامہ عوام اوردی ڈیلی نیوز “کی بندش کی بھی اطلاعات ہیں‌ ۔



جنگ گروپ نے لاہور میں بڑے پیمانے پر چھانٹیاں شروع کر دی ہیں روزنامہ انقلاب اور وقت اخبار کو بند کرنے کا فیصلہ ہو چکا ہے جیو سے کارکنوں کی چھانٹیاں ہو رہی ہیں اور جنگ ملتان میں بھی ایک دو روز میں بعض شعبوں سے کارکنوں کو فارغ کر دیا جائے گا ۔ایک روز کے دوران جنگ کے 500 سے زیادہ ملازمین فارغ کر دئے گئے ہیں ۔انگریزی ہفت روزہ ” میگ“ کی ممکنہ بندش کی خبریں بھی گردش میں ہیں ۔ذرائع کے مطابق اخبار مالکان کی جانب سے سرکاری اشتہارات کی بندش کے بعد مختلف اداروں میں کارکنو ں کی برطرفیوں کاعمل جاری ہے۔اس سے پہلے روزنامہ ایکسپریس بھی ڈاﺅن سائزنگ کے عمل سے گزرچکاہے جبکہ دنیااوردیگراخبارات میں بھی کارکنوں کی تنخواہیں کم کردی گئی ہیں ۔مختلف صحافتی تنظیموں نے صحافیوں کے معاشی قتل عام پر احتجاج کرتے ہوئے چیف جسٹس آف پاکستان سے مطالبہ کیا ہے کہ وہ صورت حال کا نوٹس لیں ۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker