اسلام آباد کی ٹیم دوسر ی بار پی ایس ایل کی چیمپیئن


psl 3
  • 2
    Shares

کراچی : پاکستان سپر لیگ (پی ایس ایل) کے تیسرے ایڈیشن کے فائنل میں اسلام آباد یونائیٹڈ نے پشاور زلمی کو شکست دے کر دوسری بار چیمپیئن بننے کا اعزاز حاصل کر لیا۔کراچی کے نیشنل اسٹیڈیم میں کھیلے گئے پی ایس ایل کے فائنل میں پشاور زلمی کے کپتان ڈیرن سیمی نے ٹاس جیت کر پہلے بیٹنگ کا فیصلہ کیا۔زلمی نے مقررہ اوورز میں 9 وکٹوں کے نقصان پر 148رنز بنا کر اسلام آباد یونائیٹڈ کو فتح کیلئے 149 رنز کا ہدف دیا۔اسلام آباد یونائیٹڈ نے ہدف کا تعاقب شروع کیا تو لیوک رونچی نے اپنی شاندار فارم کا سلسلہ برقرار رکھتے ہوئے جارحانہ انداز اپنایا۔رونچی نے حسن علی سمیت زلمی کے تمام باؤلرز کے خلاف جارحانہ انداز اپنایا اور چوتھے اوور میں ٹیم کی نصف سنچری مکمل کرا دی۔اوپنرز لیوک رونچی اور صاحبزادہ فرحان کے آؤٹ ہونے کے بعد یکے بعد دیگرے وکٹیں گرنے کے باعث اسلام آباد یونائیٹڈ کی ٹیم ہدف کے تعاقب میں مشکلات کا شکار ہوئی، تاہم آصف علی نے کیچ چھوٹنے کے بعد لگاتار تین چھکے لگا کر اپنی ٹیم کی فتح کو یقینی بنا دیا۔فہیم اشرف نے اگلے اوور میں وہاب ریاض کو چھکا لگا کر اپنی ٹیم کی فتح ہر مہر ثبت کردی اور اسلام آباد یونائیٹڈ نے چیمپیئن بننے کا اعزاز حاصل کر لیا۔

Views All Time
Views All Time
188
Views Today
Views Today
1
فیس بک کمینٹ




Be the first to comment

Leave a Reply

Your email address will not be published.


*