آصف زرداری اور فریال تالپور ایف آئی کے سامنے پیش نہیں ہوں گے


zardari and faryal
  • 6
    Shares

لاہور : پاکستان پیپلز پارٹی (پی پی پی) کے شریک چیئرمین اور سابق صدر آصف علی زرداری اور فریال تالپور نے جعلی اکاؤنٹس کیس کی تفتیش کے سلسلے میں وفاقی تحقیقاتی ادارے (ایف آئی اے) کے سامنے پیش نہ ہونے کا فیصلہ کرلیا تاہم ان کی قانونی ٹیم پیش ہوگی۔لاہور میں پی پی پی کا اعلیٰ سطح کا اجلاس ہوا جس میں آصف زرداری سمیت مرکزی قیادت نے شرکت کی اور ایف آئی اے کی جانب سے جعلی اکاؤنٹس کیس میں سابق صدر اور ان کی بہن کو 11 جولائی کو طلب کیے جانے پرمشاورت ہوئی جس کے بعد فیصلہ کیا گیا کہ قانونی ٹیم ایف آئی اے کے دفتر جائے گی۔اجلاس کے بعد میڈیا سے گفتگو کرتے ہوئے رہنما پیپلز پارٹی اعتزاز احسن کا کہنا تھا کہ ہم ڈی جی ایف آئی اے بشیر میمن کو متنازع شخصیت سمجھتے ہیں اور ان کی رپورٹ پر تحفظات ہیں۔قومی احتساب بیورو (نیب) کی جانب سے سابق صدر کا نام ایگزٹ کنٹرول لسٹ (ای سی ایل) میں شامل رکھنے پر تحفظات کا اظہار کرتے ہوئے انھوں نے کہا کہ ریفرنس نہ ہونے کےباوجود آصف زرداری کا نام ای سی ایل میں ڈال دیا گیا۔انھوں نے کہا کہ سابق صدر آصف زرداری کا نام ای سی ایل میں ڈالنے پر دکھ ہوا کیونکہ آصف زرداری ملزم نہیں ہیں اور نہ ہی ان کے خلاف نیب میں کوئی ریفرنس ہے۔اعتزاز احسن کا کہنا تھا کہ نواز شریف 2016 سے پاناما کیس میں ملزم ہیں اور ان کے بیٹے نیب ریفرنس میں مفرور ہیں جبکہ نواز شریف کے خلاف تحقیقات کے بعد سزا دی گئی اس کے باوجود نوازشریف کا نام ای سی ایل میں نہیں ڈالا گیا۔

Views All Time
Views All Time
88
Views Today
Views Today
1
فیس بک کمینٹ




Be the first to comment

Leave a Reply

Your email address will not be published.


*