اہم خبریںکھیل

ملتان دوسرے میچ میں بھی سلطان : لاہور قلندرز کو ڈھیر کر دیا

دبئی : ملتان سلطانز نے پی ایس ایل کے دوسرے میچ میں بھی فتح کا سفر جاری رکھا اور لاہور قلندرز کو 43 رنز سے ہرا دیا ۔ بلے بازوں کی شاندار بیٹنگ کی بدولت ملتان سلطان نے پاکستان سپر لیگ کے تیسرے میچ میں لاہور قلندرز کو فتح کیلئے 180 رنز کا ہدف دیا ۔لاہور قلندرز کے کپتان برینڈن میک کولم نے ٹاس جیت کر پہلے باؤلنگ کا فیصلہ کیا جو درست ثابت نہ ہوا ۔ اور ملتان سلطانز کے اوپنرز نے ٹیم کو 10 اوورز میں 88 رنز کا عمدہ آغاز فراہم کیا، احمد شہزاد آؤٹ ہونے والے پہلے کھلاڑی تھے جو 33 گیندوں پر 38 رنز بنانے کے بعد آؤٹ ہوئے جبکہ صہیب مقصود صرف چار رنز ہی بنا سکے۔کمار سنگاکارا نے شاندار فارم کا سلسلہ جاری رکھتے ہوئے لگاتار دوسرے میچ میں نصف سنچری مکمل کرنے کے ساتھ ساتھ کپتان شعیب ملک کے ہمراہ تیسری وکٹ کیلئے 54 رنز جوڑ کر بڑے اسکور کی راہ ہموار کی، وہ تین چھکوں اور پانچ چوکوں سے مزین 63 رنز کی اننگز کھیلنے کے بعد آؤٹ ہوئے۔ملتان سلطان کو بڑا دھچکا اس وقت لگا جب جارح مزاج بلے باز کیرون پولارڈ بغیر کوئی گیند کھیلے رن آؤٹ ہو کر پویلین رخصت ہوئے
شعیب ملک نے ایک مرتبہ قیادت کا فرض ادا کرتے ہوئے 47 رنز کی شاندار اننگز کھیلی جس ی بدولت سلطانز مقررہ اوورز میں پانچ وکٹوں کے نقصان پر 179 رنز بنانے میں کامیاب رہے۔اس سے قبل میچ میں لاہور قلندرز کے کپتان برینڈن میک کولم نے ٹاس جیت کر پہلے باؤلنگ کا فیصلہ کرتے ہوئے ملتان کے بلے بازوں کو قسمت آزمائی کی دعوت دی۔لاہور قلندرز کے چار غیر ملکیوں کھلاڑیوں میں برینڈن میک کولم، سنیل نارائن، کیمرون ڈیلپورٹ اور مستفیض الرحمان شامل ہیں جبکہ ملتان سلطانز نے اپنی ٹیم میں ایک تبدیلی کرتے ہوئے ہرڈس ولجوئن کی جگہ ڈیرن براوو کو ٹیم کا حصہ بنایا ہے۔یاد رہے کہ ملتان سلطان نے اپنے پہلے میچ میں دفاعی چیمپیئن پشاور زلمی کو سات وکٹ سے شکست دی تھی۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker