ملتان۔ (اے پی پی):ملتان اورگردونواح میں سموگ کی شدت میں اضافہ ہوگیاہے اور ملتان کا ایئر کوالٹی انڈیکس بڑھ کر132تک پہنچ گیا ہے۔ماہرین ماحولیات کے مطابق یہ صورتحال صحت کے لیے انتہائی نقصان دہ ہے اوراس کے نتیجے میں گلے میں خارش اور آنکھوں میں جلن کے مسائل پیدا ہوتے جارہے ہیں۔
محکمہ تحفظ ماحولیات (ای پی ڈی)کے ڈپٹی ڈائریکٹر مصباح الحق نےاے پی پی سے بات چیت کرتے ہوئے کہاکہ یہ صورتحال بارشیں نہ ہونے کی وجہ سے پیدا ہوئی ہے اور اگر بارشیں نہ ہوئیں تو آنے والے دنوں میں سموگ کی شدت میں اضافہ ہوجائے گا۔انہوں نے کہاکہ اگلے15سے 20 روز سموگ کے حوالے سے تشویشناک ہیں، تاہم اضافے کی روک تھا م کے لیے کارروائیاں جاری رکھے ہوئے ہیں۔ مختلف بھٹہ مالکان کے خلاف کارروائی کی جاچکی ہے اور کوڑا کرکٹ جلانے والوں کے خلاف بھی محکمے کی جانب سے سخت کارروائی کی گئی۔
فیس بک کمینٹ