اراضی کے تنازع پر نوجوان اور اس کے اہل خانہ پر بہیمانہ تشدد

گیلےوال .. (جی ایم ملک سے) زمین کے تنازع پر دو افراد کا نوجوان اور اس کے اہل خانہ پر تشدد ،بالوں سے پکڑ کر گھسیٹتے رہے ۔اہل علاقہ نے آر پی او ملتان سے نوٹس لینے کا مطالبہ کیا ہے ۔
نواحی علاقہ رڈ والہ موضع رسول پور کے رہائشی ارباز حفیظ نے راجہ رام پولیس کو دی گئی درخواست میں مؤقف اختیار کیا ہے کہ وہ گھر پر موجود تھا کہ شاہ پور کے رہائشی دو بھائی خرم شہزاد اور مجیب الرحمٰن نے گالم گلوچ شروع کر دی اور اسے بہیمانہ تشدد کا نشانہ بنانا شروع کر دیا شور شرابہ سن کر میرے اہل خانہ نے بچانے کی کوشش کی تو ملزمان نے ان کو بھی بالوں سے پکڑ کر گھسیٹنا شروع کر دیا اور ان کے کپڑے پھاڑ دیئے اہل علاقہ نے آ کر ہماری جان بخشی کرائی ۔ وجہ عناد یہ پے کہ ملزمان سے کافی عرصہ سے زمین کا تنازعہ چل رہا ہے ۔