ماضی کے نام ور اداکار افضال احمدطویل علالت کے بعد انتقال کر گئے : ہسپتال میں الگ بیڈ بھی نہ ملا

لاہور : معروف اداکار افضال احمد لاہور کے جنرل اسپتال میں انتقال کرگئے۔انتظامیہ جنرل اسپتال کے مطابق افضال احمد کو برین ہیمریج کےباعث یکم دسمبر کو اسپتال لایا گیا تھا۔
ذرائع کے مطابق جنرل اسپتال انتظامیہ نے لیجنڈ اداکار سید افضال احمد کو الگ سے بیڈ نہیں دیا۔ دوران علاج ان کے بیڈ پر دوسرا مریض بھی موجود تھا۔واضح رہے کہ افضال احمد گزشتہ 21 برس سے فالج کے مرض میں مبتلہ وہیل چیر تک محدود تھے۔
افضال احمد جھنگ میں پیدا ہوئے، ایچی سن سے تعلیم،حاصل کی وہ افضال چٹا کے نام سے جانے جاتے تھے ۔ گھرانہ چونکہ مذہبی تھا اس لیے خاندان کی مخالفت کے باعث گھر بار چھوڑ کر شوبز کی دنیا میں آئے ، اشفاق احمد کے ڈرامے اُچے برج لاہور دے (کارواں سرائے ) میں 18سالہ افضال احمد کا 50 سالہ بوڑھے کا کردار ادا کرنا، پھر منو بھائی کے ڈرامے جزیرہ میں کمال اداکاریکے بعد دھڑا دھڑ فلمیں ملنا شروع ہو گئیں، تیس 35سالہ فلمی کیریئر، اردو،پنجابی، پشتو اڑھائی سو فلمیں، بنا رسی ٹھگ، جیر ابلیڈ، سید ھا راستہ، نوکرو وہٹی دا، شریف بدمعاش، وحشی جٹ، چن وریام، ملے گا ظلم دا بدلہ جیسی لاتعداد سپر ہٹ فلمیں ان کے کریڈٹ میں ہیں ۔90کی دہائی عرو ج کا زمانہ تھا ۔ پھر ایک روز فالج کا شدید اٹیک ہوا، جان بچ گئی مگر بولنا گیا، معذور ہوگئے، وہیل چیئر پر آگئے، اورپچھلے 20سال سے وہیل چیئر پر تھے ۔