ملتان۔8دسمبر (اے پی پی):پاکستان کرکٹ ٹیم کے کپتان بابراعظم نے کہاہے کہ انگلینڈ کے خلاف ملتان میں کل سے کھیلے جانے والے میچ میں ہم بہترکارکردگی کامظاہرہ کرتے ہوئے سیریزبرابرکرنے کی کوشش کریں گے۔
جمعرات کو ملتان کرکٹ سٹیڈیم میں پریس کانفرنس سے خطاب کرتے ہوئے انہوں نے امید ظاہرکی کہ ملتان کی پچ بہتر ہوگی ۔انہوں نے کہاکہ راولپنڈی میں ہمیں سپن پچ درکارتھی ،میں نے اس بارے میں اپنی رائے بھی دی تھی لیکن ہم نے جوسوچاتھاوہ نہیں ہوسکا ۔انہوں نے کہاکہ راولپنڈی میں کھیلے جانے والے پہلے ٹیسٹ میچ میں انگلینڈ نے ٹاس جیت کر بیٹنگ وکٹ کابھر پورفائدہ اٹھایا اورپہلی اننگز میں ان کے چار بیٹسمینوں نے سنچریاں بنائیں اورآخری روز انہیں 74رنز سے کامیابی ملی ۔
انہوں نے مزیدکہاکہ پہلے ٹیسٹ میچ میں مجموعی طورپر1768رنز بنے جو ٹیسٹ کرکٹ کی تاریخ کاتیسرا بڑاسکورہے اوردونوں ٹیموں کے سات بیٹسمینوں نے سنچریاں اورپانچ نصف سنچریاں بنائیں ۔
فیس بک کمینٹ