نہ جانے کس گلی میں زندگی کی شام ہو جائے : بشیر بدر رخصت ہوگئے

بھوپال : معروف شاعر ڈاکٹر بشیر بدراٹھائیس مئی کو انتقال کر گئے۔ انہوں نے 91 سال کی عمر میں اپنے بھوپال ولے گھر میں آخری سانس لی۔
بشیر بدر کی اہلیہ راحت بدر نے اپنے سوشل میڈیا اکاؤنٹ پر شیئر کرتے ہوئے لکھا، "بشیر ہمیں چھوڑ کر چلے گئے… دعائیں۔”
بشیر بدر کئی برسوں سے ڈیمنشیا میں مبتلا تھے، انہوں نے مشاعروں سے کنارہ کشی اختیار کر لی تھی۔
یادداشت کی مکمل کمی کے باوجود وہ اپنی اہلیہ ڈاکٹر راحت بدر اور بیٹے طیب کی دیکھ بھال کی بدولت اپنے مداحوں سے ملتے رہے۔بھوپال میں آباد ہونے کے بعد بشیر صاحب نے فتح گڑھ میں بشیر منزل کو اپنا مسکن بنایا۔ ملک اور دنیا بھر سے لوگ ان سے ملنے آتے تھے۔ بشیر صاحب نے اسی گھر کے ایک کمرے میں آخری سانس لی۔ تاہم گزشتہ کئی سالوں سے ڈیمنشیا کی وجہ سے انہوں نے مشاعروں میں جانا تقریباً بند کر دیا تھا۔ ان سے ملنے آنے والے لوگوں کو وہ پہچان بھی نہیں سکتے تھے۔ بشیر صاحب اپنی یادداشت کھو چکے تھے۔