لاہور ( خصوصی رپورٹ ) معروف صحافی، کالم نگار اور مصنف محمد نواز رضا کی نئی کتاب ” مرد آہن محمد نواز شریف ” شائع ہو کر مارکیٹ میں آگئی ہے۔ جسے پاکستان کے معروف اشاعتی ادارے قلم فاونڈیشن انٹر نیشنل نے چیئر مین ادارہ علامہ عبد الستار عاصم کی نگرانی میں شائع کیا ہے ۔
محمد نواز رضا کا شمار پاکستان کے اُن معروف اور قابل صحافیوں میں ہوتا ہے جن کے بغیر پاکستان کی صحافتی تاریخ مکمل نہیں ہوتی ۔ صحافت کی دنیا میں انہیں عزت و احترام کی نظر سے دیکھا جاتا ہے ۔انہیں شہر اقتدار کی صحافت میں انتہائی اہم مقام حاصل ہے اور ان کی خبر، تجزیے اور تبصرے کو مستند سمجھا جاتا ہے۔مردِآہن” ان کی پانچویں کتاب ہے، اس سے قبل روداد سیاست کے عنوان سے تین کتابیں اور معروف سیاستدان چوہدری نثار علی خان کے حوالے سے ایک کتاب شائع ہو کر قبولیت کی سند پا چکی ہیں ۔ محمد نواز رضا نے 1986 ء میں پاکستان فیڈرل یونین آف جرنلسٹ (دستور) کی بنیاد رکھی ۔ اور اس کے پہلے سیکر ٹری جنرل منتخب ہوئے ۔ پھر تین بار صدر رہے آپ 16 سال مسلسل راولپنڈی / اسلام آباد پریس کلب کے صدر بھی رہے ۔ زیر تذکرہ کتاب پاکستان کے تین بار وزیر اعظم رہنے والے سابق وزیر اعظم میاں محمد نواز شریف پر لکھے گئے محمد نواز رضا کے ان کالموں کا مجموعہ ہے جو روزنامہ جنگ میں شائع ہوتے رہے ۔ جہاں انہوں نے نواز شریف کے ملکی مفاد میں کیے گئے اقدامات کو سراہا اور ان کے کاموں کی تعریف کی ، وہیں جب انہیں وزیر اعظم کی سیاست سے اختلاف رائے ہوا انہوں نے لگی لپٹی کےرکھے بغیر کُھل کر تنقید بھی کی ۔ اس اہم کتاب کے حصول کے لیے ناشر ادارے کے مرکزی دفتر واقع یثرب کالونی بینک سٹاپ والٹن روڈ لاہور پر تشریف لائیں ۔ یا قلم فاونڈیشن کے مندرجہ بالا پتا پر خط لکھیں ۔ اپنا آرڈر بک کرانے کے لیے موبائل نمبر 0515101-0300 یا آفس کے نمبر 04236612786پر رابطہ کریں ۔
فیس بک کمینٹ