اہم خبریں

کورونا مریضوں کی تعداد 27 ہزار سے تجاوز،ایک دن میں 24 ہلاکتیں : کوئٹہ میں 25 صحافی متاثر

اسلام آباد: ملک بھر میں گزشتہ 24 گھنٹوں کے دوران مزید 1637 افراد میں کورونا وائرس کی تصدیق ہوگئی جبکہ 24 مریض جاں بحق ہوگئے۔نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق ملک بھر میں گزشتہ 24 گھنٹوں کے دوران مزید 1637 افراد میں کورونا وائرس کی تصدیق ہوئی ہے جب کہ 24 افراد لقمہ اجل بن گئے ہیں۔ اس طرح کورونا کے مصدقہ مریض 27 ہزار 473 ہوگئے جب کہ 618 جاں بحق ہوگئے۔پنجاب میں 10 ہزار 471، سندھ میں 9691، خیبرپختونخوا 4327، بلوچستان 1876، اسلام آباد 609، آزاد کشمیر 79 اورگلگت بلتستان میں 421 افراد میں وائرس کی تصدیق ہوئی ہے۔
خیبرپختونخوا خطرناک
نیشنل کمانڈ اینڈ آپریشن سینٹر کے مطابق خیبرپختونخوا میں کورونا وائرس سے سب سے زیادہ 221 اموات ہوئی ہیں۔ اس کے علاوہ پنجاب میں 191، سندھ میں 175، بلوچستان 24، اسلام آباد میں 4 اور گلگت بلتستان میں کورونا سے 3 افراد جاں بحق ہوئے ہیں۔
ادھر بلوچستان کے دارالحکومت کوئٹہ میں کورونا سے متاثرہ صحافیوں اور میڈیا ورکرز کی تعداد 25 سے زائد ہوگئی ہےبی بی سی کے نامہ نگار محمد کاظم کے مطابق کوئٹہ میں ایک دو صحافیوں میں کورونا کی تصدیق کے بعد کوئٹہ پریس کلب اور بلوچستان یونین آف جرنلسٹس نے صحافیوں اور میڈیا ورکرز کے کورونا کا ٹیسٹ کا فیصلہ کیا تھا۔
پریس کلب کے ایک سینیئر عہدیدار نے بتایا ہے کہ اب تک محکمہ صحت کے توسط سے 124 صحافیوں اور میڈیا ورکرز کے ٹیسٹ کروائے جا چکے ہیں-عہدیدار کے مطابق ان میں سے 25 سے زائد صحافیوں اور میڈیا ورکرز میں کورونا کی تشخیص ہوئی ہے۔صحافیوں اور میڈیا ورکرز کے متاثر ہونے کے بعد کوئٹہ شہر میں الیکٹرانک میڈیا کے بعض دفاتر کو عارضی طور پر بند کیا گیا ہے جبکہ متاثرین نے آئیسو لیشن اختیار کر لی ہے۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker