لاہور میں جاری سہ ملکی سیریز کے پہلے میچ میں نیوزی لینڈ کے خلاف بولنگ کرتے ہوئے پاکستانی فاسٹ بولر حارث رؤف پسلیوں میں تکلیف کے باعث اوور ادھورا چھوڑ کر گراؤنڈ سے باہر چلےگئے۔
بولنگ کے دوران اپنے ساتویں اوور میں حارث رؤف کو پسلیوں میں تکلیف ہوئی جس پر وہ اوور ادھورا چھوڑ کر گراؤنڈ سے باہر چلےگئے۔ حارث کے جانے کے بعد سلمان آغا نے حارث رؤف کا اوور مکمل کیا۔
اس حوالے سے پاکستان کرکٹ بورڈ (پی سی بی) کا کہنا ہےکہ حارث رؤف کو لو گریڈ ون اسٹرین کا سامنا ہے، انہیں پیٹ کے مسلز میں بھی تکلیف ہے، فوری طور پر حارث رؤف کی ٹریٹمنٹ کی گئی ہے ۔
پی سی بی کا کہنا تھا کہ گراؤنڈ میں واپس آنےکے لیے تکلیف کا دوبارہ جائزہ لیا جائےگا۔
خیال رہے کہ حارث رؤف چیمپئنز ٹرافی کے اسکواڈ میں بھی شامل ہیں۔
(بشکریہ:جیونیوز)
فیس بک کمینٹ