اہم خبریںعمران عثمانیکھیل

کورونا وائرس کا خوف : پی ایس ایل اور آئی پی ایل کے میچ خالی اسٹیڈیمز میں ہوں گے

کراچی ، میلبورن ( رپورٹ : عمران عثمانی ) کرکٹ میچ دیکھنے والے ایک تماشائی میں کورونا وائرس کی تصدیق کے بعد کرکٹ حلقوں میں تشویش مزید بڑھ گئ ہے ، دوسری جانب بھارت میں شیڈول آئی پی ایل تالے لگے گرائونڈز میں کرانے کا حکومتی فیصلہ ہوچکا ہے جس کا رسمی اعلان 14 مارچ کو متوقع ہے. ایونٹ کی منسوخی کا بھی امکان اپنی جگہ موجود ہے۔
آسٹریلیا میں حال ہی میں کھیلے گئے ویمنز ٹی 20 ورلڈ کپ کے فائنل کو ریکارڈ 86174افراد نے دیکھا تھا ان ہی میں موجود ایک تماشائی کا اب ٹیسٹ ہوا ہے .بدقسمتی سے اس میں کورونا وائرس کی تصدیق ہو ئی ہے۔ میلبورن کرکٹ اور آسٹریلیا حکومت کے حکام نے اس کی تصدیق کرتے ہوئے اعلان کیا ہے کہ متاثرہ کرکٹ مداح میلبورن گرائونڈز کے ناردرن سٹینڈ کے سیکشن این 42 میں تھا ۔اس میں موجود دیگر لوگ اپنا ٹیسٹ کرواسکتے ہیں.اتوار کی رات ایم سی جی میں ورلڈ ٹی 20 کے فائنل میں بھارت کو آسٹریلیا نے شکست دیدی تھی.
دوسری جانب بھارتی حکومت نے آئی پی ایل خالی اور تالے لگے سٹیڈیم میں کروانے کا اصولی فیصلہ کرلیا ہے اس کا حتمی اعلان 14 مارچ کو ہوگا.
پاکستان میں پاکستان کرکٹ بورڈ نے حکومتِ سندھ کی سفارش پر پی ایس ایل 2020 کے آئندہ میچز خالی نیشنل اسٹیڈیم کراچی میں منعقد کروانے کا فیصلہ کیا ہے۔
اس فیصلے کا اطلاق 13 مارچ بروز جمعہ سے ہوگا تاہم آج نیشنل اسٹیڈیم کراچی میں کراچی کنگز اور لاہور قلندرز کے مابین میچ کے لیے اسٹیڈیم کا رخ کرنے والے تماشائیوں سے درخواست کی گئ تھی کہ وہ حکومتِ سندھ کی جانب سے جاری کردہ ایڈوائزری پر مکمل عمل کرتے ہوئے تمام احتیاطی تدابیر اختیار کریں۔
وزیراعلیٰ سندھ سید مراد علی شاہ نے پاکستان سپر لیگ (پی ایس ایل) کے پانچویں ایڈیشن کے کراچی میں ہونے والے میچز کے حوالے سے اہم فیصلہ کیا ہے کہ میچز بغیر شائقین کے خالی اسٹیڈیم میں کھیلے جائیں گے۔
ترجمان وزیراعلیٰ سندھ کی جانب سے جاری بیان کے مطابق پی ایس ایل کے حوالے سے فیصلہ کیا گیا ہے کہ کراچی میں آج ہونے والے میچ میں تو شائقین موجود ہیں تاہم کل اور دیگر میچز بند اسٹیڈیم میں ہوں گے۔وزیراعلیٰ سندھ کا کہنا ہے کہ ہم میچز کروا رہے ہیں، مزید رسک نہیں لے سکتے۔وزیراعلیٰ سندھ نے کمشنر کراچی کو ہدایت دی کہ وہ پاکستان کرکٹ بورڈ (پی سی بی) سے بات کرکے عملدرآمد کروائیں۔کراچی میں وزیراعلیٰ سندھ مراد علی شاہ کی سربراہی میں ہونے والے اجلاس میں کمشنر کراچی نے وزیراعلیٰ سندھ کو اسٹیڈٰم میں آج کے انتظامات کے حوالے سے بریف کیا۔وزیراعلیٰ سندھ نے صرف کراچی اور لاہور قلندرز کے درمیان نیشنل اسٹیڈٰیم میں ہونے والے میچ میں شائقین کو جانے کی اجازت دی ہے۔ آج اسٹیڈیم میں میچ ہوگا لیکن شائقین کو جانے کی اجازت نہیں ہوگی۔
خیال رہے کہ آج ہونے والے میچ کے علاوہ مزید 5 میچز کراچی کے نیشنل اسٹیڈیم میں کھیلے جانے ہیں۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker