عمران عثمانیکھیللکھاری

وقار یونس قرنطینہ ہو گئے ، یو ٹیوب چینلز اور بھارت کو آئی سی سی کی دھمکی : عمران عثمانی کا ون ڈے راؤنڈ اپ

انٹرنیشنل کرکٹ کونسل نے یو ٹیوب پرائیویٹ چینلز کو دھمکی دی ہے کہ آئی سی سی ایونٹس سے متعلق تمام ویڈیوز ڈیلیٹ کردیں ورنہ انکے خلاف قانونی کارروائی ہوگی. تازہ واقعہ آسٹریلیا سے تعلق رکھنے والے ایک شخص کے ساتھ اس وقت پیش آیا جب اس نے حال ہی میں ورلڈ کپ کی پرانی ویڈیو لانچ کی.آئ سی سی نے کورونا وائرس کی وجہ سے 45 سال کے پرانے پروگرام لانچ کرنے کا اعلان کیا ہے. اسکے بعد ٹی وی رائٹس وبراڈ کاسٹنگ معاہدوں کی وجہ سے گلوبل باڈی کی یہ نئی سکتی قابل فہم ہے راب موڈی نام شخص کے چینل کے ہاف ملین سے زیادہ سبسکرائبر ہیں. ورلڈ کپ جیسے ایونٹس کی ویڈیوز 700ملین مرتبہ دیکھی گئی ہے.
آئی سی سی کے اس نئے حکم کے بعد پرائیویٹ کرکٹ یو ٹیوب چینلز کی مشکلات بڑھ سکتی ہیں.
**ویرات کوہلی بھارتی کرکٹ کے باس تو بورڈ کیا؟**
بھا رتی کرکٹ ٹیم کے کپتان ویرات کوہلی کو بھارتی کرکٹ کا باس قرار دیدیا گیا ہے. یہ عہدہ کسی عام شخص نے نہیں بلکہ سابق کرکٹر وموجودہ ہیڈ کوچ روی شاستری نے دیا ہے جس کا مطلب یہ ہوا کہ انہوں نے بھارتی کرکٹ میں ہونے والے تمام فیصلوں سے اپنی ذات کی نفی کردی ہے. اس سے یہ بھی واضح ہوگیا ہے کہ کوہلی بھارت کی کرکٹ کے سیاہ وسفید کے مالک ہیں .کوہلی کو وہ مقام حاصل ہے جو کسی زمانے میں پاکستان کرکٹ میں عمران خان کو حاصل تھا. بھارتی بورڈ کی کوہلی کے سامنے حیثیت نہ ہونے کے برابر ہے.
**پاکستانی کرکٹرز کیلئے 4 لیگز**
پاکستان کرکٹ بورڈ نے اپنے کرکٹر زکیلئے سالانہ لیگز کھیلنے کی تعداد مقرر کردی.پلیئرز اب ہر لیگ نہیں کھیل سکیں گے.سال میں 4 لیگز کی اجازت ہوگی اور اس میں پی ایس ایل شامل ہے اس طرح پلیئرز سالانہ 3 غیر ملکی لیگز کھیل سکیں گے.
**آئی سی سی اجلاس میں بھارت کو کھلی دھمکی**
انٹرنیشنل کرکٹ کونسل کی ویڈیو کانفرنس میٹنگ میں بھارتی کرکٹ بورڈ کو صریح دھمکی دیدی گئی ہے کہ ملکی ٹیکس قوانین میں تبدیلی یقینی بنائے ورنہ اس سے اگلے سال 2021 کے ورلڈ ٹی 20 اور 2023 کے ورلڈ کپ میزبانی کے حقوق واپس لے لئے جائیں گے .پاکستان کرکٹ بورڈ کے ایک آفیشل نے غیر رسمی گفتگو میں انکشاف کیا اور اس میں شدت اس بات سے بھی محسوس کی جاسکتی ہے کہ بھارت میں منعقدہ 2016 کے ورلڈ ٹی 20 کی مد میں آئی سی سی کے ذمہ بھارت کے 23 ملین ڈالرز کی رقم کا معاملہ 4 سال سے لٹکا ہوا ہے اور اسے اب آئی سی سی کی تنازعات سے حل کمیٹی کے سپرد کردیا گیا ہے. ورلڈ ٹی 20 کی میزبانی آسٹریلیا کے پاس ہی رہے گی تاہم جولائی کے اگلے اجلاس میں حالات کے مطابق فیصلہ ہوگا اگر کورونا کے مسائل ایسے ہی رہے تو ایونٹ ختم کردیا جائے گا کیونکہ اگلے سال بھارت میں بھی اگلا ایونٹ شیڈول میں شامل ہے.
بھارتی بورڈ اگر آئی سی سی کو حکومت سے ٹیکس چھوٹ نہ دلواسکا تو اس سے ایونٹس کی میزبانی واپس لے لی جائے گی. بھارت میں ٹیکس قوانین سخت ہیں.
انٹرنیشنل کرکٹ کونسل کے چیئرمین کے انتخابات جولائی میں ہونگے سنگا پور کرکٹ اور انگلینڈ بورڈ کے صدور میں مقابلہ ہوگا.
ٹیسٹ سیریز اگر زیادہ ملتوی ہوئیں تو ٹیسٹ چیمپئن شپ کا فائنل جو اگلے سال شیڈول ہے وہ ختم کردیا جائے گا.
**وقار یونس قرنطینہ اور انکی اہلیہ ہسپتا ل میں**
پاکستان کرکٹ ٹیم کے ہیڈ کوچ وقار یونس قرنطینہ میں چلے گئے ہیں. کورونا کی وجہ سے انہوں نے سڈنی میں تنہائی اختیار کی ہے جبکہ انکی اہلیہ جو ڈاکٹر ہیں وہ سڈنی کے ہسپتال میں ڈیوٹی پر ہیں.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker