اختصارئےعمران عثمانیکھیللکھاری

کورونا اثرات : کرکٹرز واسٹاف کی طویل رخصت کے لیٹر تیار ۔۔ عمران عثمانی

کرکٹ کا مالی بحران بڑھتا جارہا ہے.کرکٹ سے جڑے بہت سے افراد کو طویل رخصت پر بھیجنے کی تیاریاں مکمل کرلی گئی ہیں. اس سے متعلق لیٹرز تیار ہوگئے ییں.یہ رخصت نامے جمعہ 3 اپریل سے جاری کردیئے جائیں گے .
جیسا کہ گزشتہ روز ہم نے خبر دی تھی کہ انگلش کرکٹ حکام کورونا کے سبب پورا کائونٹی سیزن ختم کرنے کا منصوبہ بنا چکے ہیں اور 1890 کے بعد جنگ سال کے علاوہ پہلی مرتبہ سیزن بغیر فرسٹ کلاس میچ کے گزرے گا. ترجیحی بنیادوں پر انٹرنیشنل کرکٹ او ر اگر کرائوڈ کی اجازت ملی تو ٹی 20 بلاسٹ کو یقینی بنایا جائے گا اسکی تصدیق تمام 18 کائونٹیز کے اگلے اقدام سے ہورہی ہے بورڈ حکام سے مشاورت کے بعد کائونٹیز نے ملکی رگبی کلبز کی طرح اپنے اکثریتی اسٹاف کو طویل رخصت پر بھیجنے کی تیاری مکمل کرلی ہے جس سے ہر کائونٹی کو ماہانہ 75ہزار پائونڈز کی بچت ہوگی جبکہ کم درجے کے پلیئرز بھی رخصت میں شامل ہونگے جبکہ باقی پلیئرز کو حکومتی اسکیم کے تحت 80 فیصد تنخواہ ملے گی پلیئرز 2500 پائونڈز سے 1200 پائونڈز تک وصول کرسکیں گے جبکہ اس سے قبل عام حالات میں کئی گنا بڑی رقم ملتی تھی. 80 فیصد کٹوتی کے ساتھ تنخواہ بھی وہ پلیئرز حاصل کرسکیں گے جو طویل رخصت کے لیٹر پر دستخط کریں گے.
انگلینڈ کرکٹ سسٹم میں ہزاروں افراد اس سے متاثر ہونگے. ای سی بی نے اگرچہ 40 ملین پائونڈز کی فوری گرانٹ اسی لئے جاری کہ کائونٹیز اپنے ضروری اخراجات کرسکیں اور اسکے بعد بھی 21 ملین پائونڈز معمولی منافع پر لئے جاسکیں گے.کائونٹیز کرکٹ سے طویل رخصتی کے لیٹرز اگلے 24 گھنٹوں میں پوسٹ کردیئے جائیں گے.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker