ایفیڈرین پر بھانت بھانت کی بولیاں اور خواہشیں اور توجہیات پیش کرنیوالوں کوچاہیے تھا کہ عوام کواصل حقائق سے بھی آگاہ کرتے خیر ہر کسی کا اپنا چورن اپنا ظرف کسی سے گلہ کیا کرنا!عوام کی آگاہی کے لیےجومعلومات میرے پاس ہیں وہ لکھے دیتا ہوں۔۔یاد رہے کہ ایفیڈرین کوئی منشیات نہیں اورنہ ہی نشہ آور پاؤڈر یا گولی ہے۔۔ایفیڈرین ایک ایسا اجزائے ترکیبی(مرکب) ہے جو دوسرے اجزاء کیساتھ مل کر ادویات بنانے کےلیے استعمال ہوتاہےایفیڈرین بنیادی طور پرچھاتی کےانفیکشن، کھانسی اور دمے کی ادویات بنانے کےلیے استعمال ہوتاہے،پاکستان میں تقریبا 127 فارما سیوٹیکل کمپنیوں کو ہر سال قانونی طور پر ایفیڈرین کا کوٹہ دیا جاتاہے!ایفیڈرین سکینڈل سے قبل یہ کوٹہ سیکرٹری ہیلتھ دینے کا مجاز تھا مگرایفیڈرین کےسکینڈل کے بعد یہ کوٹہ تین رکنی کمیٹی دیتی ہے جن میں سیکرٹری نارکوٹکس ڈائریکٹراے این ایف اور ڈائریکٹر کنٹرول ڈریپ شامل ہیں ایفیڈرین کا کوٹہ کمپنیوں کی پروڈیکشن کے لحاظ سے دیا جاتا ہے!یاد رہے کہ پاکستان میں ایفیڈرین بنانے اورسپلائی کرنیوالی ایک ہی فیکٹری ایلفا کیمیکل لاہورہے جو کہ انٹی نارکوٹکس سے رجسٹرڈ ہے یہ کمپنی صرف ڈرگ ریگولیٹری اتھارٹی سے رجسٹرڈفارما کمپنیوں کو ہی کوٹہ دینے کی پابندہے۔۔۔اب آئیے ایفیڈرین کیسز کی جانب ۔۔کُل 9 کے قریب کیسز اے این ایف نے 2011 کے آخر اور 2012 کے شروع میں بنائےجن میں ایفیڈرین کے غلط استعمال کا کہا گیا،ان تمام مقدمات میں9 سی اورسیکشن 16لگایاگیامقدمات سےتاثردیاگیاکہ فارما کمپنیوں نے کوٹہ ادویات بنانے کے لیے لیا مگر فروخت مصنوعی طاقت دینے والی ادویات بنانےوالوں کو کیا ۔۔ کچھ لوگوں کاخیال ہے کہ ایفیڈرین منشیات فروشوں کو بیچی گئی؟ اگریہ بات درست مان لی جائے تو کیا منشیات بنانے اورمصنوعی طاقت کی ادویات بنانے والی فیکٹریاں پاکستان میں موجود ہیں؟اگر ہیں تو اِن کےخلاف پکڑدھکڑ کیوں نہیں کی گئی؟9مقدمات میں سےدومقدمات GENOMEاورNEUTRO فارما کےمالکان ابوذرفیضی، فیصل،حامدرضا اسی عدالت سےبری ہوئے جس نےحنیف عباسی کوعمرقیدکی سزا سنائی،باقی 2 اسلام آباد کی سپیشل کورٹ،1ہائیکورٹ اور 4مقدمات اے این ایف عدالت میں موجود ہیں۔ایک سوال کا جواب مجھے نہیں ملا۔۔۔ شاید اے این ایف دے سکے کہ ایفیڈرین کا کوٹہ لائسنس والی کمپنیوں کودینا منشیات کے زمرے میں آتاہے اگر نہیں تو 9 سی کیسے لگ سکتی ہے؟؟غلطی پراصلاح کا متمنی ہوں۔۔۔۔
فیس بک کمینٹ