لاہور میں آندھی کے باعث لاہور قلندرز اورکوئٹہ گلیڈی ایٹرز کا میچ روک دیا گیا۔
ایچ بی ایل پاکستان سپر لیگ (پی ایس ایل) 10 کا 21 واں میچ کوئٹہ گلیڈی ایٹرز اور لاہور قلندرز کے درمیان قذافی اسٹیڈیم میں کھیلا جارہا ہے۔
لاہور قلندرز کی بیٹنگ کے دوران تیز آندھی باعث میچ کو روک دیا گیا۔ تیز ہواؤں کے ساتھ گرد آلود جھکڑ کے باعث امپائرز نے میچ روکنے کا فیصلہ کیا۔
آندھی کے بعد لاہور کے مختلف علاقوں میں شدید بارش کا سلسلہ شروع ہوگیا۔ محکمہ موسمیات کے مطابق لاہور میں آندھی کی رفتار 100کلو میٹر فی گھنٹہ ریکارڈ کی گئی۔
خیال رہے کہ این ڈی ایم اے نے آج سے 5 مئی تک ملک کے مختلف حصوں میں تیز ہواؤں اور آندھی کے ساتھ بارش کا امکان ظاہر کیا تھا۔
(بشکریہ:جیونیوز)
فیس بک کمینٹ