ملتان ۔۔ گرووپیش نیوز ( رضی الدین رضی سے )سرائیکی پارٹی کے بانی ، نام ورسیاسی رہنما اور دانش ور منصورکریم خان سیال 29 مارچ کو طویل علالت کے بعد انتقال کر گئے ۔ان کی عمر 76برس تھی اور وہ کئی برس سے فالج کا شکار تھے. چند روزسے دل کےدورے کےبعد ان کی طبیعت خراب تھی…
ان کی نماز جنازہ آج 29 مارچ بروز ہفتہ بعد نماز عصر ابدالی مسجد نواں شہر میں ادا کی جائیگی ۔معروف ترقی پسند دانش ور اور سماجی کارکن سہیل جاوید نے فیس بک پر اپنے تعزیتی پیغام میں کہا کہ منصور کریم سرائیکی خطے کی سیاست، ثقافت اور تہذیب کا ایک مضبوط حوالہ تھے. بالخصوص ملتان شہر میں ادب و مکالمہ اور مجلسی زندگی کا تذکرہ منصور کریم کے ذکر کے بغیر ادھورا رہتا ہے.، 70 کی دہائی میں ولی خان کی نیشنل عوامی پارٹی سے لےکر تاج لنگاہ کی سرائیکی پارٹی تک خطے میں ترقی پسندانہ سیاسی روایت کے امین رہے. ان کا گھر ہمیشہ وسیب بھرسے آنے والے نظریاتی سیاسی کارکنوں کا مرکز و محور سمجھا جاتا تھا.
فیس بک کمینٹ