گیلے وال ( نامہ نگار) گیلے وال میں دکان کے باہر سوئے ہوئے نوجوان کو چھرے کے وار سے قتل کر دیا گیا تفصیل کے مطابق نواحی علاقہ چک 50ایم کارہائشی دکاندار رمضان گاذر سویا ہوا تھا اسے نامعلوم ملزمان نے چھرے کے پہ در پہ وار کر کے قتل کر دیا ۔
اہل علاقہ کو لرزہ خیز واردات کا علم اس وقت ہوا جب ایک شخص اسے نماز فجر کے لیے جگانے آیا تاہم جائے واردات پر اس کا موبائل ،پرس اور دکان کی چابیاں چارپائی پر موجود تھیں جس کی اطلاع گیلےوال پولیس کو دی گئی پولیس نے جائے وقوعہ پر پہنچ کر شواہد اکھٹے کئے تاہم تا حال قتل کی وجہ معلوم نہ ہو سکی پولیس تھانہ گیلے وال ملزمان کی تلاش میں مصروف تفتیش ہے، مقتول کی لاش کو 53 ایم ہسپتال منتقل کر دیا گیا جسے بعد ازاں پوسٹ مارٹم کے لیے ڈی ایچ کیو لودھراں لایا گیا جہاں سے قانونی کارروائی کے بعد لاش ورثاء کے حوالے کر دی گئی جسکی نماز جنازہ عید گاہ چک نمبر 50 ایم ادائیگی کے بعد سپرد خاک کر دیا گیا مقتول رمضان گاذر مقامی صحافی عمر فاروق کا بھانجا اور دو بچوں کا باپ تھا۔
فیس بک کمینٹ