اہم خبریں

نیشنل پریس ٹرسٹ کی املاک پر قبضے کی کوشش ناکام بنائیں : پنشنرز کی فواد چوہدری سے اپیل

ملتان : نیشنل پریس ٹرسٹ پنشنرز ایسوسی ایشن ملتان کا اجلاس معروف صحافی رشید ارشد سلیمی کی صدارت میں ہوا ۔ اجلاس میں ایک قرار داد متفقہ طور پر منظور کی گئی جس میں وزیر اعظم اور وزیر اطلاعات کی توجہ این پی ٹی کے مالی معاملات کی جانب مبذول کرائی گئی ۔
قرار داد میں کہا گیا ہے کہ کراچی ، لاہور ، اسلام آباد اور ملتان میں اربوں روپے کی املاک نیشنل پریس ٹرسٹ کی ملکیت ہیں ۔ ان املاک سے بڑی بھاری آمدن ہو رہی ہے لیکن بدقسمتی سے مافیا ان املاک پر قبضہ کے لئے کوشاں ہے ۔ جعلی دستاویزات کے ذریعے یہ املاک ہتھیانے کی کوشش ہو رہی ہے ۔ وزیر اعظم اور حکومتی عہدیدار کرپشن کے خاتمہ غیر ضروری اخراجات کے تدارک کے لئے کوشاں ہیں ۔ این پی ٹی کی املاک سے حاصل ہونے والی بھاری آمدنی کہاں خرچ ہو رہی ہے کسی کو کوئی علم نہیں ۔ ملتان میں کروڑوں کا پلاٹ ملی بھگت سے جعلی کاغذات تیار کرکے ہتھیانے کی کوشش کی جا رہی ہے ۔ وزیر اعظم عمران خان اور وزیر اطلاعات فواد چوہدری سے اپیل کی گئی ہے کہ این پی ٹی کے معاملات کی عملی طور پر تحقیقات کرائی جائے ۔ کم سے کم تیس برسوں کا حساب لیا جائے ۔ ان املاک پر قابض افراد اور گروپوں سے قبضہ واگزار کرائے جائیں اور اس ملی بھگت میں شامل این پی ٹی کے برسوں سے عارضی کنٹریکٹ پر ملازمین اگر ملوث پائے جائیں تو ان سے وصولیاں کی جائیں ۔ ان کے خلاف کارروائی کی جائے ۔ این پی ٹی کے قومی اثاثوں کا ہر قیمت پر تحفظ کیا جائے ۔ وزیر اعظم عمران خان کی کرپشن کے تدارک کی کوششوں کا ساتھ دیا جائے ۔ اجلاس میں معمر پنشنرز نے شرکت کی۔
فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker