اہم خبریں

دوروزہ جنوبی پنجاب ادبی میلہ شروع ہوگیا۔ صوبائی وزیرڈاکٹراخترملک نے افتتاح کیا

ملتان :پہلا دوروزہ جنوبی پنجاب ادبی میلہ جمعرات کے روز ملتان میںشروع ہوگیا۔میلے کا افتتاح صوبائی وزیر توانائی ڈاکٹر اختر ملک کیا۔افتتاحی تقریب زکریا یونیورسٹی میں منعقد ہوئی ۔تقریب کے مہمان خصوصی ڈاکٹر اسد اریب، ڈاکٹر نجیب جمال، ڈاکٹر سعادت سعید تھے۔ اس موقع پر وائس چا نسلر زکریایونیورسٹی ملتان ڈاکٹر طارق انصاری ، وائس چانسلر خواتین یونیورسٹی ڈاکٹر عصمت ناز بھی موجودتھیں۔میلے میں جنوبی پنجاب کے مختلف شہروں سے ادیبوں، شاعروں،دانشوروں اور فنکاروں کی بڑی تعداد نے شرکت کی۔افتتاحی تقریب سے خطاب کرتے ہوئے ڈاکٹر اختر ملک نے کہاکہ ملتان صوفیاءکی دھرتی ہے اوریہاں کے لوگ ہمیشہ سے امن اور محبت کے داعی ہیں۔انہوں نے کہاکہ پاکستان تحریک انصاف کی حکومت وزیراعظم عمران خان کی قیادت میں ملک میں رواداری ،امن و محبت کے فروغ کے لیے سرگرم ہے۔انہوں نے کہاکہ ادبی میلوں میں نہ صرف یہ کہ لوگوں کو سیکھنے کا موقع ملتا ہے بلکہ یہ نئی نسل کے لیے ایک تربیت گاہ کا درجہ بھی رکھتے ہیں۔اس موقع پر میلے کے میزبان زین بلوچ، شاکر حسین شاکر، رضی الدین رضی کے علاوہ مرتضی نور، مہمانان خصوصی اور وائس چانسلرز نے بھی خطاب کیا۔بعدازاں سرائیکی ریسرچ سنٹر اور ملتان ٹی ہاؤس میں بھی میلے کے سیشن منعقد ہوئے۔

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker