لاہور : سابق وزیر اعظم اور پاکستان پیپلزپارٹی کے سینئر وائس چیئرمین سید یوسف رضاگیلانی کے صاحبزادے علی قاسم گیلانی کے نکاح کی تقریب گزشتہ شب لاہور میں منعقد ہوئی۔ نکاح میں پاکستان پیپلزپارٹی کے چیئرمین بلاول بھٹو زرداری نے شرکت کی اور نکاح نامے پر بطور گواہ دستخط کیے۔تقریب میں خاندان کے افراد اور قریبی عزیز و اقارب نے شرکت کی ۔ شرکاء میں سجادہ نشین دربارحضرت موسی پاک شہید سید ابوالحسن جمال الدین گیلانی، احمد مجتبی گیلانی ، عبدالقادر گیلانی، علی موسی گیلانی ، علی حیدرگیلانی کے علاوہ سجادہ نشین دربار سندیلہ والی پیر سید ابرارحسین شاہ بخاری اور دیگر لوگ شامل تھے۔ولیمے کی تقریب اتوار15مارچ کو سات بجے شام بہاء الدین زکریایونیورسٹی کے سپورٹس گراﺅنڈ میں منعقد ہوگی۔
ولیمے کی تقریب میں پیپلزپارٹی ،پاکستان تحریک انصاف اور مسلم لیگ (ن) کے مرکزی رہنماﺅں اور اراکین قومی و صوبائی اسمبلی کی بڑی تعداد شرکت کرے گی۔
فیس بک کمینٹ