اہم خبریں

مسلم لیگ (ن) کے رہنماشیخ طاہر رشید طویل علالت کے بعد انتقال کرگئے

ملتان:سابق رکن قومی اسمبلی اور مسلم لیگ (ن) کے رہنما شیخ طاہر رشید طویل علالت کے بعد انتقال کرگئے۔ ان کی عمر 64برس تھی۔جگر کے عارضے کے باعث لندن میں زیر علاج رہے۔طاہررشید کا تعلق روہتک سے ہجرت کرکے ملتان آباد ہونےو الے خاندان سے تھا۔ان کے والد شیخ محمد رشید تحریک پاکستان کے کارکن اور ملتان کی بلدیاتی سیاست کے مرکزی کردارتھے۔وہ ضیاءدور میں مجلس شوری اور غیرجماعتی قومی اسمبلی کے رکن بھی رہے۔
شیخ طاہر رشید 20اپریل1956 ءکو ملتان میں پیدا ہوئے۔ابتدائی تعلیم ملت ہائی سکول سے حاصل کی۔میٹرک گورنمنٹ کمپری ہنسو سکول گلگشت اور ایف اے ایمرسن کالج بوسن روڈ سے کیا۔جامشورو یونیورسٹی سے بی اے کا امتحان پاس کیا۔شیخ طاہررشید 1987ءمیں ملتان کارپوریشن کے رکن منتخب ہوئے۔ 1990ءمیں آئی جے آئی کے ٹکٹ پر ایم پی اے بنے۔ 4993ءمیں مسلم لیگ(ن) کے ٹکٹ پر تنویر گیلانی کے مقابلے میں قومی اسمبلی کے رکن منتخب ہوئے۔وہ 1997ءمیں دوسری مرتبہ ن لیگ ہی کے ٹکٹ پر ایم این اے بنے۔ 2006میں شیخ طاہر رشید مسلم لیگ (ق)میں شامل ہوئے اور اس کے مرکزی نائب صدر منتخب ہوئے۔2011ءمیں پاکستان تحریک انصاف میں شامل ہوئے اور2012ءمیں دوبارہ مسلم لیگ(ن) میں آگئے۔

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker