طویل ترین افطار ٹیبل کا عالمی ریکارڈ قائم کر دیا گیا

بیروت ۔ لبنان میں دنیا کی سب سے بڑی افطار ٹیبل سجا کرعالمی ریکارڈ قائم کردیا گیا ۔ اس ٹیبل پر 5 ہزار افراد کی افطاری کا اہتمام کیا گیا ۔ روزنامہ ’’الشرق الوسط ‘‘ کے مطابق لبنان کے دار الحکومت بیروت میں ایک غیر سرکاری تنظیم کی جانب سے 5ہزار افراد کیلئے افطاری کا انتظام کیا گیا۔ یہ تنظیم وزیر اعظم سعد الحریری کی نگرانی میں کام کر رہی ہے ۔دوہزار ایک سو چوراسی میٹر طویل اس افطار ٹیبل پر انواع و اقسام کے لذیذ کھانے رکھے گئے تھے جن میں دس ہزار چکن روسٹ، پیسٹریز،سلاد، چاول کی روایتی ڈشز سمیت سوئٹ ڈشز بھی رکھی گئی تھیں۔ افطاری میں شرکت کرنے والے مہمانوں کی تواضع کیلئے 600 سے زائد رضاکار بھی وہاں موجود تھے ۔اس موقع پر لبنان کے وزیر اعظم سعد الحریری بھی موجود تھے۔ اس طرح لبنا ن کے باسیوں نے گھانا کا دنیا کی سب سے لمبی افطار میزقائم کرنے کاریکارڈ بھی توڑ دیا ۔ میزبانی کے لئے لبنانیوں کے جذبے کودنیا بھر میں سراہاجاتا ہے ۔ اس ٹیبل کو گینیز بک ٓف ورلڈ ریکارڈ میں شامل کر لیا گیا ہے جس نے گھانا کو سب سی بڑا دسترخوان سجانے کے عالمی ریکارڈ سے بھی محروم کردیا