اہم خبریں

نون لیگ چھوڑی ہے نہ چھوڑنے کا ارادہ ہے : چوہدری نثار

اسلام آباد: سابق وزیرداخلہ اور پاکستان مسلم لیگ (ن) کے رہنما چوہدری نثار علی خان نے کہا ہے کہ میں کسی بھی آزاد گروپ کا حصہ نہیں اور نہ ہی کسی کی جوتیاں اٹھانے والا ہوں، پارٹی کے ہر اُس اجلاس میں شرکت کی جس میں مجھے مدعو کیا گیا۔وفاقی دارالحکومت میں پریس کانفرنس کرتے ہوئے نثار علی خان کا کہنا تھا کہ غلط فہمیاں دور کر لی جائیں، کیونکہ وہ کبھی بھی کسی سے احکامات نہیں لیتے۔انہوں نے کہا کہ سیاسی کیریئر کے دوران بڑے بڑے امتحان آئے لیکن میں ثابت قدم رہا اور مسلم لیگ (ن) کو نہیں چھوڑا، اور اس وقت بھی نہ پارٹی چھوڑی ہے اور نہ ہی چھوڑنے کا ارادہ ہے۔چوہدری نثار نے کہا کہ اگر حالات معمول کے مطابق ہوتے تو یہ پریس کانفرنس نہیں بلاتا، میں پاکستان کے عوام اور حلقے کے عوام سے کچھ بات کرنا چاہتا ہوں۔انہوں نے کہا کہ میں واضح کردوں کہ میں مسلم لیگ (ن) سے ناراض نہیں اور نہ ہی میرے کسی سے اختلافات ہیں، میں نے آج تک پارٹی سے کسی عہدے کا مطالبہ نہیں کیا نہ ہی پارٹی میں کوئی عہدہ رکھا۔سابق وزیر داخلہ کا کہنا تھا کہ میں 34 برس سے نواز شریف کے ساتھ ہوں، لیکن آج پارٹی میں میرے سوا کوئی بانی رکن نہیں ہے، اس کے علاوہ 70 فیصد لوگوں نے پارٹی چھوڑی اور دوبارہ اس کا حصہ بنیں۔ان کا کہنا تھا کہ جب پاناما لیکس شروع ہوا تو میں نے موقف اپنایا کہ ہم سپریم کورٹ نہ جائیں، اس کے بعد جب نواز شریف نے تقریر کا فیصلہ کیا تو میں واحد آدمی تھا، جس نے کہا تھا کہ آپ تقریر نہ کریں۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker