2018 انتخاباتاہم خبریں

انتخابی ماحول میں عیدالفطر مبارک ہو : امیدواروں کا جوش و خروش عروج پر

اسلام آباد : ملک بھر میں آج عیدالفطر مذہبی جو ش و جذبے سے منائی جارہی ہے، ۔ انتخابات کے موقع پر یہ عید سیاسی ماحول میں منائی جا رہی ہے ۔ سیاست دان اور انتخابی امیدوار خاص طور پر عید کے موقع پرانتخابی مہم میں مصروف ہیں اور امیدواروں میں زبردست جوش و خروش پایا جاتا ہے ۔ دارالحکومت اسلام آباد، کراچی، لاہور، پشاور اور کوئٹہ سمیت ملک کے مختلف شہروں میں سیکڑوں عیدگاہوں اور کھلے مقامات پر عید کے اجتماعات ہوئے ، جن میں امت مسلمہ اور ملک و قوم کی ترقی و خوشحالی کے لئے خصوصی دعائیں مانگی گئیں ۔صدر مملکت ممنون حسین اور نگران وزیر اعظم ناصر الملک نے عید پیغامات میں کہا ہے کہ سیاسی مہم جوئی سے کدورتیں بڑھتی ہیں ، قوم عید پر شہیدوں کو یاد رکھے، اسلام کی حقیقی تعلیمات پر عمل پیرا ہو کر معاشرتی ناہمواریوں کو دور اور وطن عزیز کو امن، سلامتی اور خوشیوں کا گہوارہ بنایا جا سکتا ہے۔صدقہ فطر سے حقیقی حقداروں کو عید کی خوشیوں میں شریک کریں۔ نگران وزیر اعظم جسٹس (ر) ناصر الملک نے اپنے پیغام عید میں کہا کہ کہ آج کے دن ہمیں اُن فرزندانِ وطن کو بھی یاد رکھنا ہے جنہوں نے مادرِ وطن کی حفاظت اور اسے اندرونی و بیرونی خطرات سے محفوظ رکھنے کے لئے اپنی جانوں کا نذرانہ پیش کیا ہے۔میری دعا ہے کہ اللہ تعالیٰ وطن عزیز کو اپنی حفظ وامان میں رکھے اور پاکستان کو امن اورترقی و خوشحال کا گہوارہ بنائے، آمین۔انہوں نے کہا کہ عید الفطر کے پر مسرت موقع پر میں اہل اسلام کو بالعموم اور پاکستانی قوم کو بالخصوص مبارک باد پیش کرتا ہوں – اللہ تعالیٰ کا شکر ہے کہ اس نے ہمیں رمضان المبارک کے فیوض و برکات سے مستفید ہونے کا موقع فراہم کیا۔ اللہ تعالیٰ ہماری عبادات قبول فرمائے۔ آمین۔ ملتان ، بہاول پور ، ڈیرہ غازی خان سمیت سرائیکی علاقے میں بھی یہ تہوار جوش و جذبے سے منایا جا رہا ہے ۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker