2018 انتخاباتاہم خبریں

یوسف رضا گیلانی کی اہلیت چیلنج : قرضے معاف کرانے کا الزام

ملتان:الیکشن ٹربیونل ملتان نے سابق وزیراعظم سیدیوسف رضاگیلانی کی اہلیہ کی جانب سے قرضوں کی معافی کی تفصیلات طلب کرلیں۔الیکشن ٹربیونل میں پاکستان تحریک انصاف کے امیدوار این اے 158 ابراہیم خان نے درخواست دائر کی تھی کہ سابق وزیراعظم یوسف رضاگیلانی اور ان کی اہلیہ فوزیہ گیلانی نے اپنے قرضے معاف کرارکھے ہیں اس لیے وہ الیکشن لڑنے کے اہل نہیں۔الیکشن ٹربیونل نے اس سلسلے میں سٹیٹ بینک آف پاکستان سے تفصیلات طلب کیں۔سٹیٹ بینک آف پاکستان ملتان کے اسسٹنٹ چیف منیجر نے سوموار کے روز عدالت میں پیش ہو کر ریکارڈ کے لیے ایک دن کی مہلت مانگی۔الیکشن ٹربیونل کے سربراہ جسٹس قاضی امین احمد نے استفسار کیا کہ سپریم کورٹ میں قرضوں کی معافی کی جو فہرست پیش کی گئی ہے کیا اس میں فوزیہ گیلانی کا نام بھی شامل ہے۔اسسٹنٹ چیف منیجر نے استدعا کی کہ انہیں ریکارڈ کی فراہمی کے لیے ایک روز کی مہلت دی جائے۔الیکشن ٹربیونل نے انہیں ہدایت کی کہ وہ کل صبح 11بجے عدالت میں قرضہ معافی سے متعلق مکمل تفصیلات فراہم کریں۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker