وفاقی حکومت نے رواں ماہ پٹرولیم مصنوعات کی قیمتیں برقرار رکھنے کا اعلان کردیا۔ پٹرولیم مصنوعات کی قیمتوں میں اضافہ نہ کرنے کا اعلان وفاقی وزیر خزانہ اسحاق ڈار نے پریس کانفرنس سے خطاب کرتے ہوئے کیا، انہوں نے کہا کہ پٹرولیم مصنوعات کی قیمتوں میں کوئی رد وبدل نہیں کیا جارہا، پٹرولیم مصنوعات کی قیمتیں نہیں بڑھیں گی۔
وزیر خزانہ اسحاق ڈار کا کہنا تھا کہ سٹیٹ بنک اور نیشنل بنک نے سود کے خاتمے کے خلاف جو اپیلیں جمع کروائی تھیں، انہیں واپس لیں گے۔
حکومتی اعلان کے بعد پٹرول کی قیمت 224 روپے 80 پیسے، ڈیزل کی فی لٹر قیمت 235 روپے 30 پیسے برقرار رہے گی جب کہ مٹی کے تیل کی قیمت 191 روپے 83 پیسے فی لٹر اور لائٹ ڈیزل آئل کی قیمت 186 روپے 50 پیسے رہے گی۔
بشکریہ ایکسپریس نیوز
فیس بک کمینٹ