اختصارئےصائمہ نورین بخاریلکھاری

مشرف دہلوی کی حمایت میں چند گزارشات ۔۔ صائمہ نورین بخاری

آئین محبت کے کچھ رنگین و سنگین بزرگ غداروں کو بھی سرتاپا سزا ملنی چاہیے۔۔۔۔جناب والا۔۔۔۔۔۔یہ ذرا ادبی سا ایک ابتدائیہ تھا ۔۔۔اب میرے جیسے ایک عام ذہن کی مزید۔۔غیر ادبی گزارشات بھی سن لیجیے ۔۔۔ جان کی امان پاؤں تو عرض کروں می لارڈ ۔۔۔میرے نزدیک ۔۔۔۔۔ایک قریب المرگ کمانڈو کو سزائے موت دلوانے کے ذمہ دار بھی ان کے وکیل ہیں ۔۔۔۔۔جناب والا۔۔۔۔۔
آئین شکنی کوئی آئینہ شکنی نہیں ہے ۔۔۔جس میں ایک فرد واحد کی غلطی سے آئینہ ٹوٹ جائے ۔۔۔
غداری کا لفظ و الزام ہی سنگین ہے ۔پھر سنگین غداری سے کیا مراد ہے ۔۔۔۔؟؟؟؟؟
فیر ٹرائل کی گنجائش ابھی باقی ہے ۔۔کل کے دن ۔ہمیں امید ہے کہ اٹارنی جنرل کو سنا جاسکتا ہے لہذا ایک محب وطن کمانڈو کو غدار کہنا۔۔۔ بد ترین دل شکنی ہے ۔۔۔۔
۔جناب والا ۔۔۔۔میرے جیسے سنتالیس سالہ نیم بزرگ کی زندگی کے بہترین پانچ سال مشرف دور کے آزاد میڈیا اور تعلیم سے بھرپور روشن پاکستان ۔۔۔۔ملائیت سے نجات کے دن تھے ۔۔۔مجھے کسی جیالے متوالے اور جذباتیے کی فکر سے کوئی سروکار نہیں تھا ۔۔۔کیوں کہ وہ ڈسپلن سے عاری اور وژن سے بے بہرہ نظر آتے تھے ۔۔۔معاشی صورت حال بھی نہایت بہتر تھی ۔۔۔
مجھے آج بھی یقین ہے ۔۔۔پاکستان کے روشن مستقبل کے لیے ایک مشرف کی نہیں ایک ہزار مشرف کی ضرورت تھی ۔ہم لوگ۔۔۔نااہل عیار سیاست دانوں کے ارتقائی عمل سے گذرتے رہے تھے اور گذرہے ہیں۔۔۔۔۔۔ کیوں مجھے میری نصابی تاریخ نے یہی سکھایا ہے ۔
ایک فوجی کو آمریت کی طرف دھکیلنے والے بھی مفاد پرست ۔۔پارٹی بدل جاگیر دار ۔۔سیاست دان ہیں ۔۔۔۔این آر او ۔۔ایمرجنسی ۔۔۔لگانے کے فیصلے کیا فرد نے واحد صادر فرمائے تھے ۔۔۔۔۔۔۔وہ کابینہ کیا ہوئی جو روشن پاکستان ۔۔سب سے پہلے پاکستان کے نعرے لگانے میں پیش پیش تھی ۔۔۔کیا وہ بھی ایک غدار کی وفاد ار نہیں تھی ۔۔؟؟؟
ہمیں ابھی تو دشمن کے بچوں کو پڑھانا ہے ۔۔۔پہلے اپنے بچوں کو تو پڑھ لینے دیجیے ۔۔۔۔؟؟؟؟؟؟نئی نسل کو ہم کیا دے رہے ہیں ؟؟؟؟۔۔سماجی دہشت گردی کے عفریت ۔۔اداروں کے تصادم کی خوفناک افواہیں ۔۔۔گروہی خانہ جنگی ۔۔۔۔۔۔عدم تحفظ کا بدترین احساس ۔۔۔جناب محترم ۔۔۔۔قانون اگر بروقت انصاف نہ فراہم نہ کرے تو ایسے قانون نظریہ ضرورت کی گرد میں چھپ جاتے ہیں ۔۔۔جس کا فائدہ صرف قانون کی فیس بٹورنے والوں کو ہوتا ہے ۔۔۔بہت وقت گذر چکا ۔۔۔۔اب بہتر مستقبل کہاں ہے ۔۔۔مل کر تلاش کیجیے۔۔۔۔۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker