ملتان:سابق وزیرخارجہ اورپاکستان تحریک انصاف کے وائس چیئرمین مخدوم شاہ محمودقریشی نے ملتان میں اتوارکے روز نماز عید کی ادائیگی کے بعد میڈیا سے بات چیت کرتے ہوئے انہوں نے کہاکہ پنجاب کے 20انتخابی حلقوں میں ضمنی الیکشن شفاف ہونے چاہیے ۔ انہوں نے کہاکہ اس وقت افراط زر کی شرح میں اضافہ ہوچکا ہے۔ پیٹرول، تیل ،گھی اور دیگر اشیائے ضرورت کے نرخ آسمان پرہیں۔ ان چیزوں کانوٹس لیاجاناچاہیے۔
پی پی 217کے ضمنی الیکشن میں پی ٹی آئی کے امیدوارزین حسین قریشی کے حوالے سے ایک سوال کے جواب میں شاہ محمودقریشی نے کہاکہ انہوں نے الیکشن میں مداخلت کی شکایت کی تھی جس پر ریٹرننگ آفیسر نے کارروائی کی۔انہوں نے کہاکہ مجھے امید ہے کہ عوام نوٹوں کے بدلے ووٹ نہیں دیں گے۔ضمیر فروشی سے ملکی حا لات مزید خراب ہوں گے۔شاہ محمودقریشی نے مزید کہاکہ پاکستان کے موجودہ حالات چالیس سالہ کوتاہیوں کا نتیجہ ہیں۔ انہوں نے کہاکہ سری لنکا کے حالات پوری قوم نے دیکھے ہیں۔ وہاں معاشی بحران اچانک نہیں آیا ،معاشی حالات بتدریج خراب ہوئے اوربگڑتے چلے گئے۔ہمیں ایسے منصوبے بنانے چاہیے جس سے ہماری معاشی حالت سری لنکا جیسی نہ ہو۔
فیس بک کمینٹ