اہم خبریں

کرکٹ میچوں کی وجہ سے ملتان میں سکیورٹی ریڈ الرٹ: اہم شاہراہیں عام ٹریفک کے لیے بند کردی گئیں

ملتان:پاکستان اور ویسٹ انڈیز کے درمیان تین ایک روزہ میچوں کی سیریز کے موقع پر ملتان میں سخت حفاظتی انتظامات کیے گئے ہیں۔ ملتان کی سکیورٹی ہائی الرٹ ہے اور کرکٹ ٹیموں اور ان کے روٹس کی حفاظت کے لیے خصوصی انتظامات کیے گئے ہیں۔
ڈپٹی کمشنرملتان طاہر وٹو کے مطابق قومی مہمانوں کی سکیورٹی یقینی بنانے کے لیے چھ ہزار پولیس اہلکارتعینات کیے جاچکے ہیں اس کے علاوہ رینجر ز اور پاک فوج کی خدمات بھی حاصل کی گئی ہیں۔ 5جون سے 12جون تک ملتان میں سکیورٹی ریڈ الرٹ رہے گی۔
دریں اثناءکرکٹ ٹیموں کو جن ہوٹلوں میں ٹھہرایا گیا ہے وہاں بھی سخت حفاظتی اقدامات ہیں ۔جن شاہراہوں پر یہ ہوٹل موجودہیں ان میں بہاولپور روڈ، ابدالی روڈ، عظمت واسطی روڈ شامل ہیں۔ یہ تمام سڑکیں ملتان کی مصروف ترین شاہراہیں ہیں اورانہیں کل دوپہر سے عام ٹریفک کے لیے بند کیاجاچکاہے۔سڑکوں کی بندش کے باعث ان سے ملحقہ تمام سڑکوں،گلیوں اورراستوں پر ٹریفک جام رہی ۔خاص طورپر کارڈیالوجی ہسپتال اوراس سے ملحقہ علاقوں میں بعض ایمبولینسیں بھی ٹریفک میں پھنسی رہیں۔

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker