لاہور : سانحہ 9مئی میں ملوث افرادکی گرفتاریوں کاسلسلہ جاری ہے ۔عسکری ذرائع کے مطابق جمعہ کے روز ایک بریگیڈیئرکی بیوی ،سابق آئی جی سندھ ضیاءالحسن کے بیٹے اورایک میجر کے بیٹے کوبھی بلوے کے الزام میں گرفتارکرلیاگیا۔ان کے خلاف مقدمہ بھی آرمی ایکٹ کے تحت چلایاجائے گا۔
دنیا نیوزکےمطابق پولیس کا کہنا ہے کہ میجر (ر) ضیاالحسن کے بیٹے رضوان ضیاء کو جیو فینسنگ کی لوکیشن سامنے آنے پر گرفتار کیا گیاہے ۔
پولیس کاکہنا ہے کہ ملزم رضوان کو کور کمانڈر ہاؤس کے باہر احتجاج اور توڑ پھوڑ کے الزام میں گرفتار کیا گیا، ملزم کے دیگر ساتھیوں کی گرفتاری کیلئے کوشیش جاری ہیں۔
دوسری جانب جلاؤ گھیراؤ اور پرتشدد واقعات کے بعد روپوش پاکستان تحریک انصاف کی قیادت اور شرپسند مظاہرین کے خلاف سخت کارروائی کے لئے خفیہ اداروں اور پولیس کے اعلیٰ حکام کا اجلاس آج طلب کر لیا گیا ۔
فیس بک کمینٹ