ایک سال بعد ملتان اور کراچی کے درمیان زکریا ایکسپریس یکم جون سے بحال ہو گی

ملتان : پاکستان ریلوے نے یکم جون 2023ء سے 25 اپ، 26 ڈاؤن بہاؤالدین زکریا ایکسپریس کو بحال کرنے کا فیصلہ کیا ہے۔ ریلوے حکام کے مطابق بہاؤالدین زکریا ایکسپریس کراچی سٹی اسٹیشن سے روزانہ شام 6 بج کر 30 منٹ پر روانہ ہوا کرے گی اور دوسرے دن صبح 10 بج کر 45 منٹ پر ملتان پہنچے گی۔جبکہ ملتان سے شام 4بجے روانہ کر کراچی 8بجکر 45 منٹ پر پہنچے گی۔بہاؤالدین زکریا ایکسپریس میں اے سی بزنس، اے سی اسٹینڈرڈ اور اکانومی کلاس کے سفر کی سہولت موجود ہو گی۔ بہاؤالدین زکریا ایکسپریس حیدر آباد، نواب شاہ، روہڑی، رحیم یار خان، خان پور، بہاولپور سے ہوتی ہوئی ملتان پہنچے گی۔
ریلوے حکام کی جانب سے عوام الناس کو اطلاع دی گئی ہے کہ بہاؤالدین زکریا ایکسپریس میں سفر کی ریزرویشن شروع ہو گئی ہے۔ پاکستان ریلوے کی ایپلیکیشن یا کسی بھی قریبی ریزرویشن دفتر سے ریزرویشن کروائی جا سکتی ہے۔واضح ہوکہ یہ ٹرین اگست 2022 میں اندرون سندھ بارشوں کے نتیجے میں ریلوے ٹریک تباہ ہونے کے نتیجےمیں بند کی گئی تھی ۔