ملتان : سابق وزیر خارجہ شاہ محمود قریشی کے بیٹے اور رکن قومی اسمبلی زین حسین قریشی نے کہا ہے کہ عید کے فوراً بعد شاہ محمود قریشی رہا ہوں گے اور اپنے گھر آئیں گے۔ملتان میں میڈیا سے گفتگو کرتے ہوئے زین قریشی نے کہا کہ پوری قوم کو عید کی مبارک باد پیش کرتا ہوں، میں اپنے والد شاہ محمود قریشی کی طرف سے بھی عید کی مبارک باد پیش کرتا ہوں۔انہوں نے کہا کہ بجٹ سے پہلے کیے جانے والے حکومت کے تمام دعوے ادھورے رہ گئے، یہ عوام دوست بجٹ کم اور آئی ایم ایف دوست بجٹ زیادہ لگ رہا ہے۔زین قریشی نے کہا کہ آج دوسری عید ہم اپنے والد کے بغیر کررہے ہیں، سائفر کیس میں اللہ نے ہمیں عزت دی، سائفر کیس سیاسی بنیادوں پر بنایا گیا تھا جس میں اللہ پاک نے بانی پی ٹی آئی اور شاہ محمود قریشی کو باعزت سرخرو کیا۔انہوں نے کہا کہ بانی پی ٹی آئی اور شاہ محمود قریشی کو نو مئی کے کیس میں پابند سلاسل رکھا گیا ہے، دونوں کو نماز عید سے بھی محروم کیا گیا۔رکن قومی اسمبلی نے کہا کہ آٹھ فروری کے الیکشن پر ایک کمیشن بننا چاہیے تاکہ عوام کے سامنے اصلیت آسکے، نو مئی سانحہ پر بھی ایک فیکٹ فائنڈنگ کمیشن بننا چاہیے، انہوں نے کہا کہ ہم سیاسی جماعت ہیں اور ہم سیاسی قدروں کو اہمیت دیتے ہیں، تین جماعتوں کو ہم فارم سنتالیس کی حکومت کہتے ہیں۔
فیس بک کمینٹ