کھیل

پاکستان نے جنوبی افریقہ کو سنسنی خیز مقابلے کے بعد ہرا کر ٹوئنٹی سیریز جیت لی

سنچورین : پاکستان اور جنوبی افریقہ کی کرکٹ ٹیموں میں چار میچوں کی ٹی ٹوئنٹی سیریز کا چوتھا اور فیصلہ کن میچ آج سنچورین میں کھیلا گیا جس میں پاکستان نے جنوبی افریقہ کو تین وکٹوں سے شکست دے کر چار میچوں کی ٹی ٹوئنٹی سیریز اپنے نام کر لی ہے۔
جنوبی افریقہ کی جانب سے پاکستان کو 145 رنز کا ہدف دیا گیا جو پاکستان نے سات وکٹوں کے نقصان پر حاصل کر لیا۔ میچ جب شروع ہوا تو گذشتہ میچ میں شاندار کارکردگی دکھانے والے محمد رضوان صفر پر آؤٹ ہوگئے لیکن اُن کے بعد فخر زمان اور بابر اعظم کی شراکت میں پاکستان نے سکور میں خاطر خواہ اضافہ کیا۔ لیکن اس کے بعد فخر زمان اور بابر اعظم بالترتیب 60 اور 24 رنز بنا کر آؤٹ ہوگئے۔ اُن کے بعد آنے والے محمد حفیظ اور حیدر علی بھی ٹیم کو مجموعی طور پر صرف 13 رنز ہی دے سکے اور یوں ایک وقت میں جب میچ مکمل طور پر پاکستان کے ہاتھ میں نظر آ رہا تھا، وہاں پاکستان مشکلات کا شکار دکھائی دینے لگا۔
پاکستان کا مڈل آرڈر ٹیم کو مضبوط سہارا فراہم نہ کر سکا اور میچ جتوانے کے لیے پاکستانی بولرز کو دباؤ کے لمحات میں وکٹیں سنبھال کر رکھنی پڑیں۔
سوشل میڈیا صارفین جہاں پاکستان کی فتح پر خوشی مناتے ہوئے نظر آئے تو وہیں یہ بھی دیکھا جا سکتا تھا کہ خوشی کے ساتھ ساتھ مڈل آرڈر کی کارکردگی پر بھی مایوسی ہے۔ صارف عثمان قریشی نے گذشتہ میچ کا حوالہ دیتے ہوئے کہا کہ صرف پاکستانی ٹیم ہی 205 کا ہدف دو اوورز باقی رہتے ہوئے حاصل کر سکتی ہے اور شائقین کو 145 کا ہدف حاصل کرتے ہوئے ہارٹ اٹیک دے سکتی ہے۔
( بشکریہ : بی بی سی اردو )

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker