اہم خبریں

کالعدم تحریک طالبان پاکستان کا دہشت گرد فقیر محمد رہا

کابل : (کالعدم)تحریک طالبان پاکستان کے سابقہ ڈپٹی لیڈر اور پاکستان طالبان کے کمانڈر مولوی فقیر محمد اور دوسرے دہشت گردوں کو افغان طالبان نے رہا کر دیا ہے۔
غیر ملکی خبر رساں ادارے سی این این کے رپورٹر سلیم محسود نے ایک ٹویٹ میں کہا کہ فقیر محمد کی رہائی کے بارے میں تحریک طالبان پاکستان (جس پہ پاکستان میں پابندی عائد ہے) کے ترجمان نے ایک بیان جاری کیا ہے۔ سلیم کا مزید کہنا تھا کہ فقیر محمد نے باقاعدہ اعلان کیا تھا کہ القائدہ چیف ایمن الزواہری سے ان کے قریبی تعلقات ہیں۔
ایک اور ٹوئیٹ میں سلیم کا کہنا تھا کہ سو سے زیادہ پاکستانی طالبان جنگجو اور ان کے کمانڈروں کو افغانستان کے مختلف جیلوں سے رہا کیا گیا ہے۔ ٹوئیٹر پہ ایک وڈیو میسج شیئر کرتے ہوئے سلیم کا مزید کہنا تھا کہ یہ رہائیاں بگرام جیل اور پل چرخی جیلوں میں سے کی گئی ہیں۔یاد رہے کہ طالبان نے کل ہی میں کابل پہ قبضہ کر لیا ہے۔ جبکہ افغان صدر اشرف غنی نے اتوار کو ملک چھوڑ دیا ہے۔
سلیم کا مزید کہنا تھا کہ امید ہے کہ عسکریت پسندوں اور داعش قیدیوں کا مستقبل طالبان کورٹس کے ذریعے طے کیا جائیگا۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker