ڈیرہ غازی خان : ڈیرہ غازی خان میں ن لیگی امیدوار سردار جمال خان لغاری کوپانچ سال بعد اپنے حلقے کا دورہ مہنگا پڑگیا ،این اے 192 کے ن لیگی رہنما کو قبائلی علاقے رونکھن میں نوجوانوں نے آڑے ہاتھوں لیا۔ن لیگی امیدوار سے مکالمے کی ویڈیو وائرل ہوگئی ،نوجوانوں نے جمال لغاری کی گاڑی رکواکر شکوے کئے اور کہا کہ پانچ سال بعد آپ کا نورانی چہرہ دیکھ رہے ہیں۔اس موقع پر ن لیگی امیدوار نے کہا کہ وہ ووٹ لینے نہیں تعزیت کرنے آئے ہیں جس پر لوگ بولے برسوں پہلے مرنے والوں کی تعزیت اب کیوں یاد آئی ؟جمال لغاری نے ویڈیو بنانے والے سے کہا کہ وہ یہ بند کردیں تاکہ آرام سے بات ہوسکے اور ساتھ ہی کہا کہ ایک ووٹ کی پرچی پر اتنا ناز؟اس پر نوجوان نے کہا کہ کچھ گلے شکوے کرنا ہے صرف پانچ منٹ مانگ رہے ہیں جس پر جمال لغاری نے کہا کہ بات میں بعد میں کروں گا ووٹ لینے نہیں افسوس کرنے آیا ہوں۔نوجوان نے ن لیگی رہنما سے استفسار کیا کہ پانچ سال پہلے لوگ مرے اور اب افسوس کرنے آئے ہیں؟جمال لغاری نے ویڈیو میں نوجوان سے سوال کیا کہ علاقے میں 42 کلومیٹر روڈ کس نے بنائی،جواب ملا جمہوریت نے بنوائی ہے جس پر ن لیگی رہنما نے کہا کہ چپ کر جمہوریت جمہوریت، ہمیں سب پتہ ہے جمہوریت کیا ہوتی ہے۔ان کا مزید کہناتھاکہ ایک ووٹ کی پرچی قبیلے کے سربراہ کو دے رہے ہواور اس پر اتنا ناز اتنی تگڑ ؟جمال لغاری نے یہ بھی کہاکہ آپ میرے سوال کا جواب 25 جولائی کو دینا۔نوجوانوں نے مکالمےکے دوران ن لیگی رہنما کو جواباً کہا کہ انشا اللہ 25جولائی کو آپ کو جواب ملے گا ۔
ہفتہ, مئی 9, 2026
تازہ خبریں:
- باسٹھ برس کی معذرت : مبارک باد تو بنتی ہے : رضی الدین رضی کی جیون کہانی
- مارچ کے بعد پیٹرول پانچویں بار مہنگا : قیمت میں 15 روپے کا اضافہ، نئے نرخ 414.78 فی لیٹر
- معرکہ حق کی برسی اور پاکستانی قوم کی نفسیات : سید مجاہد علی کا تجزیہ
- آتش فشاں کی آواز سُنیے : حامد میر کا کالم
- معرکہِ حق اور میزائل چوک : وسعت اللہ خان کا کالم
- کراچی پریس کلب کے باہر انسانی حقوق کی کارکن شیما کرمانی گرفتار : 5 پولیس افسران کے خلاف ایکشن
- ابلیسی طاقتوں کی دھمکیوں کا جواب : صدائے ابابیل / سیدہ معصومہ شیرازی
- ممتاز آباد ملتان میں خاتون اور بچیوں کی خود کشی کا معمہ حل : شوہر نے قتل کا اعتراف کر لیا
- مغربی بنگال ہندو انتہاپسندوں کے نرغے میں : سید مجاہد علی کا تجزیہ
- جے یو آئی ( ف ) کے رہنما مولانا محمد ادریس قتل : چارسدہ میں شدید احتجاج ، سڑکیں بلاک

