ملتان : نام ور شاعر ایاز صدیقی ملتان میں انتقال کر گئے ان کی عمر 93 سال تھی ۔ ایاز صدیقی کا شمار اردو غزل اور نعت کے نام ور شعرا میں ہوتا تھا ۔ان کے دو شعری مجموعے ” ثنائے محمد “ ( غالب کی زمینوں نعتیہ مجموعہ ) اور ” نقد ہنر ( غزلوں کا مجموعہ شائع ہوئے ۔ایاز صدیقی9 اگست 1932 ءکو مشرقی پنجاب کے علاقے روہتک میں پیدا ہوئے۔ ایاز صدیقی نے اپنے بڑے بھائی کی رہنمائی میں شعری سفر کا آغاز کیا ۔ ایاز صدیقی کے پسماندگان میں دو بیٹے منصور اور شارق اور پانچ بیٹیاں شامل ہیں
کئی برس قبل ایک حادثے میں ان کے کولہے کی ہڈی ٹوٹ گئی تھی جس کے بعد سے وہ صاحب فراش تھے ۔ ان کے شاگرد اور نام ور ماہر تعلیم اور شاعر شوذب کاظمی کے مطابق ان کی نماز جنازہ کا وقت بعد میں بتایا جائے گا ۔ایاز صدیقی بینکنگ کے شعبے سے وابستہ تھے ۔ وہ ایک وضع دار اور تہذیبی شخصیت کے طور پر احترام کی نظر سے دیکھے جاتے تھے ۔
ملتان کے علمی و ادبی حلقوں نے ایاز صدیقی کے انتقال پر گہرے دکھ اور صدمے کا اظہار کیا ہے اور اسے ایک عہد کا خاتمہ قرار دیا ہے ۔
فیس بک کمینٹ