اسلام آباد : حکومت نے پیٹرولیم مصنوعات کی قیمتوں میں 10 روپے تک کا اضافہ کر دیا ۔ ملک بھر میں اس اضافے پر شدید احتجاج کیا گیا ہے ۔ وزارت خزانہ کی جانب سے جاری نوٹی فکیشن میں کہا گیا ہے کہ حکومت نے اوگرا اور متعلقہ وزارتوں کی سفارشات پر آئندہ پندرہ دن کے لیے پیٹرولیم مصنوعات کی قیمتوں میں ردوبدل کا فیصلہ کیا ہے۔ نوٹی فکیشن کے مطابق ڈیزل 10 روپے 39 پیسے اور فی لیٹر پیٹرول 8 روپے 36 پیسے مہنگا کیا گیا ہے، جس کے بعد ڈیزل کی نئی قیمت 272 روپے 98 پیسے اور پیٹرول کی نئی قیمت 266 روپے 79 پیسے فی لیٹر ہو گئی۔
فیس بک کمینٹ