کراچی: چیئرمین پیپلز پارٹی و وزیر خارجہ بلاول بھٹو زرداری نے عالمی اداروں اور آئی ایم ایف سے ملک کے لیے ٹارگٹڈ سبسڈیز دینے کا مطالبہ کیا ہے۔وزیر خارجہ بلاول بھٹو نے سیلاب متاثرین کے گھروں کی تعمیر کے لیے کراچی میں فنڈز کا اجرا کر دیا۔ سندھ ڈونر کانفرنس سے خطاب کرتے ہوئے چیئرمین پیپلزپارٹی نے کہا کہ اس وقت وزیر خزانہ اور آئی ایم ایف کے درمیان بات چیت چلی رہی ہے، امید ہے اچھے نتائج آئیں گے، ہماری معیشت کےلئے ضروری ہے۔
انہوں نے کہا کہ آئی ایم ایف پانی اور مہنگائی میں ڈوبے عوام کی مدد کرے اور ان کا خیال رکھے، ہم چاہتے ہیں کہ سیلاب متاثرین علاقوں کے لیے ٹارگٹڈ ریلیف ضروری ہو۔ زراعت، توانائی اور کھاد خوراک کے لئے ریلیف ہونا چاہیے، یہ تب ممکن ہوگا جب آئی ایم ایف کے شرائط میں نرمی ہوگی۔بلاول بھٹو نے کہا کہ جنیوا کانفرنس کے لیے لوگ سمجھتے تھے کہ ہم خالی ہاتھ آئیں گے لیکن پاکستان کی کامیاب خارجہ پالیسی کے نتیجے میں ہم نے جو بھی معاہدہ کیا اس سے زیادہ ملا۔
انہوں نے کہا کہ ہمیں گھروں کی تعمیر کے لیے 1.5 بلین ڈالر کی ضرورت ہے جس میں سے عالمی بینک نے 500 ملین ڈالر دیے ہیں اور سندھ حکومت نے 250 ملین ڈالر مہیا کرنے کا بندوبست کیا ہے جبکہ وزیراعظم شہباز شریف نے بھی 250 ملین ڈالر دینے کا اعلان کیا ہے۔بلاول بھٹو نے کہا کہ اب ہم صرف گھر نہیں بنا رہے ہیں بلکہ سیلاب متاثرین کو گھروں کے مالک بھی بنا رہے ہیں، وزیراعلیٰ سندھ کو ہدایت کی ہے کہ گھروں کے مالکانہ حقوق گھر کے عورت کے نام کریں۔
وزیر خارجہ کا کہنا تھا کہ شدید بارشوں اور سیلاب کے باعث صوبہ سندھ 100 کلومیٹر طویل جھیل بن گیا، یہ سیلاب قیامت سے پہلے قیامت تھا۔ سیکرٹری جنرل نے تباہ کاریوں کے مناظر کا خود معائنہ کیا اور عالمی سپورٹ کےلئے اپیل بھی کی۔
واضح رہے کہ فنڈز کے اجرا کے ساتھ فنڈز فوری طور پر آٹھ اضلاع میں منتقل ہوگئے، ان اضلاع میں متاثرین فوری طور پر فنڈز بینک سے لے رہے ہیں۔ان آٹھ اضلاع میں لاڑکانہ، سکھر، دادو، حیدرآباد، ٹھٹہ، شہید بے نظیرآباد، عمرکوٹ اور ٹنڈوالہ یار شامل ہیں۔ متاثرین کو ابھی سے 75 ہزار روپے کی پہلی قسط جاری ہوگئی۔
بشکریہ ایکسپریس نیوز
فیس بک کمینٹ
# global institutions # Over 30 million citizens were affected due to flash floods #bilawal bhutto zardari #Bilawal seeks targeted subsidies from IMF #Finance Ministe #finance minister ishaq dar #flood victims #FM Bilawal #foreign minister #Foreign Minister Bilawal Bhutto Zardari #gird o pesh #gridopesh #IMF #International Monetary Fund #ishaq dar #sindh #targeted subsidies asks to 'soften conditions' FM Bilawal beseeches centre IMF to help flood victims laments FM بلاول بھٹو بلاول بھٹو کا آئی ایم ایف سے ٹارگٹڈ سبسڈیز دینے کا مطالبہ ٹارگٹڈ سب سڈی سلاب سندھ سیلاب متاثرین گردوپیش گھر