سعودی عرب میں امام مساجد کی تربیت وائٹ ہاؤس کی نگرانی میں ہو گی

ریاض : امریکہ نے سعودی عرب میں شائع ہونے والی کتابوں کوانتہاپسندی اوروہابیت سے پاک کرنے کے لئے ریاض میں ایک دفترقائم کردیاہے۔سعودی عرب اورامریکہ کایہ مشترکہ دفتران تمام مذہبی کتابوں کاجائزہ لے گاجوسعودی عرب سمیت دنیا بھرمیں تقسیم کی جاتی ہیں ۔امریکی سیکرٹری خارجہ ٹلرسن نے ایک پریس کانفرنس میں بتایاکہ ہم ان کتابوں کابغورجائزہ لیں گے جن کی وجہ سے دنیابھرمیں انتہاپسندی پھیل رہی ہے۔یہ کتابیں ایک بورڈکی نگرانی میں ازسرنوشائع کی جائیں گی اوران میں سے متنازع مواد نکال دیاجائے گا۔انہوں نے یہ بھی بتایاکہ سعودی عرب میں نئے امام مسجدوں کی تقرری کےلئے بھی مختلف تجاویز زیرغورہیں۔مساجد کے نوجوان اماموں کی تربیت براہ راست وائٹ ہاﺅس حکام کی نگرانی میں کی جائے گی ۔انہوں نے کہاکہ سعودی عرب اورامریکہ اس بات پرمتفق ہیں کہ دہشت گردی کے خاتمے کے لئے ہمیں مل کرکام کرناہے اوراس سلسلے میں ریاض میں دفترنے کام شروع کردیاہے۔