سکھر : گردوپیش رپورٹ .. مسلسل دوسرے روز ٹرین میں آتشزدگی کے واقعہ کے بعد وفاقی وزیر ریلوے شیخ رشید احمد سے استعفیٰ لینا کا فیصلہ کر لیا گیا ہے . وفاقی دارالحکومت میں شیخ رشید کے استعفے کی خبریں گرد ش میں آ گئی ہیں ۔جمعرات کے روز رحیم یارخان کے قریب تیزگام میں آتشزدگی کے بعد جمعے کو بھی ایسا ہی ایک واقعہ شکارپورکے قریب پیش آیا جب جیکب آباد جانے والی سکھر ایکسپریس کی ایک بوگی میں دوپہر کے وقت آگ بھڑک اٹھی۔
یہ آگ بھی شارٹ سرکٹ کی وجہ سے لگی۔ ٹرین کراچی سے جیکب آ باد جا رہی تھی۔ پولیس کے مطابق اس واقعہ میں کوئی مسافر زخمی نہیں ہوا کیونکہ آگ کی شدت کم تھی اور ٹرین کی رفتاربھی زیادہ نہیں تھی۔ ٹرین رکنے کے بعد قریبی گاﺅں کے لوگوں نے آگ پر قابو پایا۔
واضح ہو کہ گزشتہ روز کے حادثے میں 74 افراد جاں بحق ہوگئے تھے۔ گزشتہ روز شیخ رشید احمد سے جب دریافت کیا گیا تھا کہ وہ استعفی کب دے رہے ہیں تو انہوں نے کہا تھا کہ میں اتوارکے روز اس کا جواب دوں گا۔
شیخ رشید احمد کی موجودگی میں گزشتہ ایک برس کے دوران ٹرینوں کے چھوٹے بڑے 80 حادثات ہوچکے ہیں۔ ذرائع کے مطابق شیخ زشید احمد کا استعفی آج یا کل متوقع ہے۔