کورونا وائرس،انگلش کرکٹرز کا سری لنکا میں ہاتھ باندھ کر کھیلنے کا اعلان۔۔عمران عثمانی

لندن:انگلینڈ کرکٹ ٹیم سری لنکا کے دورے کا باقاعدە آغاز 7 مارچ سے 3 روز ە پریکٹس میچ کے ساتھ کر رہی ہے. 2 ٹیسٹ میچز کی سیریز کیلئے کولمبو روانگی سے قبل کپتان جوئے روٹ اور انکے ساتھی کورونا وائرس کی وجہ سے پریشانی کا شکار ہیں. ٹیم نے فیصلہ کیا ہے کہ وہ دورے کے دوران ایک دوسرے سے ہاتھ تک نہیں ملائیں گے.یہ فیصلہ اس لئے بھی حیران کن ہے کہ سپورٹس مقابلوں میں مخالف ٹیم کے کھلاڑیوں سے ہاتھ تو ملایا ہی جاتا ہے جبکہ بعض اوقات گلے بھی ملاجاتا ہے اور بسا اوقات صورتحال اس قدر غیر متوقع ہوتی ہے کہ سپورٹس مین آف سپرٹ کے تحت ایسا کرنا اور ضروری ہوجاتا ہے. جوئے روٹ نے انکشاف کیا کہ ملکی ہیلتھ منسٹری سمیت اہم شخصیات سے رابطے میں ہیں اور رہیں گے کسی بھی ناگہانی صورتحال میں دورہ ختم بھی ہوسکتا ہے لیکن فی الوقت کھیلنے کیلئے تیار ہیں انہوں نے بتایا کہ ہم اس دورے کے دوران ایک دوسرے سے بھی ہاته نہیں ملائیں گے کیونکہ حالیہ جنوبی افریقا دورے میں متعدد پلیئرز مختلف بیماروں کا شکار بھی رہے ہیں. سری لنکا کے دورے میں کورونا وائرس سے بچاؤکے لئے خصوصی جیل سمیت تمام طبی سہولیات ہر پل ساتھ رکھیں گے.انگلش ٹیم کی یہ احتیاط اپنی جگہ لیکن سوال یہ ہے کہ گراؤنڈ میں کھلاڑی وکٹ حاصل کرنے پر نہ صرف ایک دوسرے سے ہاته ملاتے ہیں بلکہ خوشی مناتے بغلگیر بھی ہوجاتے ہیں.کیا آنے والے دنوں میں شائقین ہاتھ بندھے ہونے کی صورت میں کرکٹرز کو جشن مناتادیکھ سکیں گے؟اگر ایسا ہوا تو یہ اپنی جگہ ایک منفرد واقعہ ہوگا.انگلش کپتان جوئے روٹ کی جانب سے کورونا وائرس سے بچاؤکیلئے دورہ سری لنکا میں کھلاڑیوں کے ہاتھ ملانے کی پابندی کے فیصلے کو حیرت اور مزاح کی نگاہ سے دیکھا رہا تھا کہ انکے اپنے ہی ساتھی کرکٹر نے کپتان کا مذاق اڑادیا اور یہی نہیں بلکہ اسکی ویڈیو بناکر سوشل میڈیا پر ڈالدی جسکے بعد صارفین کی جانب سے دلچسپ اور طنزیہ تبصرے سامنے آئے. انگلینڈ کرکٹ ٹیم کے 2 ٹیسٹ میچز کی سیریز کیلئے کولمبو روانگی کے موقع پر فاسٹ باؤلرسٹورٹ براڈ نے جہاز میں ویڈیو بنائی .انہوں نے ایک طرف وہ تحریر دکھائی جس میں لکھا تھا کہ کپتان جوئے روٹ اور انکے ساتھی کورونا وائرس کی وجہ سے پریشانی کا شکار ہیں. ٹیم نے فیصلہ کیا ہے کہ وہ سری لنکا کے دورے میں ایک دوسرے سے ہاتھ تک نہیں ملائیں گے.براڈ نے اسکے بعد تھوڑی دور بیٹھے اپنے کپتان روٹ کی طرف ہاتھ بڑھایا اور ان سے کہا کہ مجھ سے ہاتھ ملائیں گے .روٹ نے پہلے قدرے حیرت اور پھر غصہ سے دیکھا لیکن جونہی انکی نگاہ ویڈیو پر پڑی تو وہ ہلکا سا مسکرادیئے. یاد رہے کہ ایک دن قبل روٹ نے کہا تھا کہ بیماری سے بچنے کیلئے سری لنکا میں کھلاڑی کسی سے ہاتھ نہیں ملائیں گے اور گراونڈ میں خوشی منانے کیلئے بھی ایک دوسرے سے ہاتھ ملانے کی بجائے ایک دوسرے کو مکے دکھائیں گے جسکا ہلکا سا مذاق ساتھی کرکٹر نے اڑادیا.