مری کی عدالت نے سابق وزیر داخلہ شیخ رشید کو 14 روزہ جوڈیشل ریمانڈ پر جیل بھیج دیا۔
سابق وزیر داخلہ شیخ رشید کو مری کی عدالت میں پیش کیا گیا، سول جج مری محمد ذیشان نے مری پولیس کی شیخ رشید کے 3 روزہ جسمانی ریمانڈ کی استدعا مسترد کردی۔
عدالت نے شیخ رشید کو 14 روزہ جوڈیشل ریمانڈ پر جیل بھیجنےکا حکم دے دیا، سماعت کے بعد مری پولیس شیخ رشید کو اڈیالہ جیل منتقل کرنےکے لیے مری سے روانہ ہوگئی۔
خیال رہےکہ شیخ رشیدکو تھانہ مری میں درج مقدمے میں گزشتہ روز اڈیالہ جیل سے مری منتقل کیا گیا تھا۔
شیخ رشیدکے خلاف گرفتاری کے دوران پولیس سے مزاحمت اور اہلکار کی وردی پھاڑنےکے الزام میں مقدمہ درج ہے۔
(بشکریہ: جیو نیوز)
فیس بک کمینٹ