ملتان (اے پی پی):این اے 157ملتان کےضمنی الیکشن میں پاکستان تحریک انصاف کے مرکزی رہنمااورسابق وزیرخارجہ مخدوم شاہ محمودقریشی کی جانب سے اپنی صاحبزا دی مہربانو قریشی کوامیدواربنانے پرپاکستان تحریک انصاف میں پھوٹ پڑگئی اورپی ٹی آئی کے کارکنوں کی بڑی تعدادنے جمعہ کے روزالیکشن کمیشن آفس ملتان کے باہر احتجاجی مظاہرہ کیااورموروثی سیاست نامنظورکے نعرے لگائے ۔
پی ٹی آئی کی جانب سے مہربانو قریشی کوامیدوارنامزد کئے جانے پرکا ر کن پہلے بھی دبے لفظوں میں احتجاج کررہے تھے تاہم جمعہ کے روز ان کی بڑی تعداد سڑکوں پرآگئی ۔اس موقع پربات چیت کرتے ہوئے پی ٹی آئی کے رہنما انجینئر وسیم عباس نے کہاکہ میں بھی الیکشن لڑناچاہتاتھالیکن کارکنوں کونظراندازکیاگیاہم موروثی سیاست کے خلاف نکلے ہیں اگرفیصلہ تبدیل نہ کیا گیاتوہم بنی گالہ کے سامنے دھرنادیں گے ۔انہوں نے کہاکہ میں بھی اس نشست پرکاغذات نامزدگی جمع کرانے آیاہوں ۔واضح ہوکہ این اے 157میں 11ستمبر کوضمنی الیکشن ہورہے ہیں یہ نشست شاہ محمودقریشی کے صاحبزادے زین حسین قریشی نے ایم پی اے بننے کے بعد خالی کی ہے جہاں شاہ محمودقریشی نے اپنی صاحبزادی مہربانوقریشی کو امیدواربنانے کااعلان کیاہے ،وہ پی ڈی ایم کے امیدوارعلی موسیٰ گیلانی کامقابلہ کریں گی ۔
فیس بک کمینٹ