ملتان : ایک ہفتے کے دوران شہریوں نے ڈکیتی کی دوسری واردات ناکام بنا دی،ہجوم نے تشدد کرکے مزیدتین ڈاکوؤں کو مارڈالا ۔ ڈاکووں کی فائرنگ سے ایک شہری بھی جاں بحق ہوگیا ۔
تفصیلات کے مطابق ملتان کے علاقے اڈا متی تل کے قریب تین ڈاکووں نے شہری سے موٹرسائیکل چھینی اورفرارہوگئے، شہریوں نے پیچھا کرکے ایک ڈاکو کو پکڑلیا اورشدید تشدد کا نشانہ بنایا ، بھاگنے والے دوڈاکواپنے ساتھی کوچھڑانے کیلئے آئے اورانہوں نے شہریوں پرفائرنگ کردی جس سے جنید اورنوازنامی شہری گولیاں لگنے سے شدید زخمی ہوگئے جنہیں ہسپتال منتقل کیا گیا ، زخمی شہری جنید نے ہسپتال جاکردم توڑدیا ،
ادھرشہریوں نے باقی دونوں ڈاکووں کو بھی پکڑلیا اورانہیں بھی شدید تشد کا نشانہ بناڈالا جس سے دوڈاکوموقع پر ہلاک ہوگئے ،
اطلاع ملنے پرپولیس بھی موقع پرپہنچ گئی ، پولیس نے مرنے والے ڈاکووں کی لاشیں اورزخمی ڈاکو کو حراست میں لے لیا
فیس بک کمینٹ