اٹک:چیئرمین پاکستان تحریک انصاف (پی ٹی آئی) عمران خان کے خلاف سائفر کیس کی سماعت آج اٹک جیل میں ہو گی۔
چیئرمین پی ٹی آئی کی حد تک سیکریٹ ایکٹ کے تحت قائم کی گئی خصوصی عدالت تیسری بار اٹک جیل میں لگےگی جبکہ شاہ محمود قریشی کے خلاف سائفر کیس کی سماعت جوڈیشل کمپلیکس میں ہی ہو گی۔
خصوصی عدالت کےجج ابوالحسنات ذوالقرنین پہلے اٹک جیل میں سائفر کیس کی ان کیمرا سماعت کریں گے، پھر جوڈیشل کمپلیکس اسلام آباد پہنچیں گے۔
سائفر کیس میں چیئرمین پی ٹی آئی اور شاہ محمود قریشی کا 14 روزہ جوڈیشل ریمانڈ آج مکمل ہو رہا ہے۔
یاد رہے کہ عمران خان اور شاہ محمود قریشی سائفر گمشدگی کیس میں زیر حراست ہیں۔
(بشکریہ: جیو نیوز)
فیس بک کمینٹ