ملتان:ملتان انسٹی ٹیوٹ آف کارڈیالوجی میں آتشزدگی سے دوافراد زخمی ہوگئے۔
ریسکیو 1122کے مطابق ملتان انسٹی ٹیوٹ آف کارڈیالوجی میں سیلنگ میں گیس بھرنے سے اچانک آک بھڑ ک اٹھی جس کے نتیجے میں سیلنگ گرگئی جس کے نتیجے میں دوافراد زخمی ہوگئے۔ واقعہ کی اطلاع ملتے ہی ریسکیو ٹیمیں موقع پرپہنچ گئی۔ واقعہ کی اطلاع ملتے ہی ڈپٹی کمشنررضوان قدیر، ڈسٹرکٹ ایمرجنسی آفیسرڈاکٹر کلیم اللہ موقع پر پہنچ گئے۔ریسکیو اہلکاروں نے بروقت کارروائی کرتے ہوئے متاثرہ حصے کو بند کرکے زخمی افراد کو فوری طبی امداد فراہم کرکے دوسرے وارڈز میں شفٹ کردیا۔
اس موقع پرڈپٹی کمشنر کیپٹن ریٹائرڈ رضوان نے کہا کہ کارڈیالوجی انسٹی ٹیوٹ آتشزدگی واقعے کی مکمل تحقیقات کیلئے جامع انکوائری کرائی جائے گی۔انہوں نے کہا کہ تمام ہسپتالوں اور سرکاری عمارات کی گیس لیکج کے حوالے سے چیکنگ کے احکامات دے دیئے ہیں۔ڈپٹی کمشنر نے دھماکے سے زخمی افراد کو مکمل طبی سہولیات فراہمی کی ہدایت کی ۔ڈپٹی کمشنر نے مزید کہاکہ دھماکہ گیس لیکج سے ہوا۔واقعے میں کسی قیمتی جان کا نقصان نہیں ہوا۔
فیس بک کمینٹ