اسلام آباد: وزیراعظم کے مشیر برائے سیاسی امور رانا ثنا اللہ نے کہا ہے کہ نہروں کے معاملے پر پیپلزپارٹی کے بیانات سے قوم کو زیادہ پریشان ہونے کی ضرورت نہیں ہے۔
گفتگو کرتے ہوئے رانا ثنااللہ نے کہا کہ سندھ میں سیاسی جماعتوں کے احتجاج کا ہدف نہریں نہیں پیپلزپارٹی ہے ، پیپلز پارٹی کے بیانات سے قوم کو زیادہ پریشان ہونے کی ضرورت نہیں ہے۔
رانا ثنااللہ نے کہا کہ صرف ایک نہر کا معاملہ متنازع ہے، 6 نہروں کا معاملہ پروپیگنڈا ہے، گرین پاکستان منصوبہ قوم کا مستقبل ہے۔
وفاقی حکومت متنازع کینالز کا منصوبہ فوری روکے ورنہ پیپلز پارٹی ساتھ نہیں چل سکتی، بلاول
دوسری جانب وزیر اعلیٰ سندھ مراد علی شاہ کا کہنا ہے کہ کینال منصوبہ پیپلز پارٹی ہی مسترد کرائے گی، اس کے خلاف جو بھی احتجاج کرے گا اس کا خیر مقدم کریں گے۔
انہوں نے کہا کینال معاملے پر وکلا کے احتجاج کی حمایت کرتے ہیں ، پیپلز پارٹی کے ہوتے ہوئے سندھ کے خلاف کوئی سازش کامیاب نہیں ہوگی ۔
مراد علی شاہ نے مزید کہا کہ حیدرآباد کے بعد پیپلز پارٹی کا اگلا جلسہ 25 اپریل کو سکھر میں ہوگا۔
(بشکریہ:جیونیوز)
فیس بک کمینٹ