ملتان(گردوپیش رپورٹ )گلگشت کے علاقہ کالرو کالونی میں ملتان یونین آف جرنلسٹس کے سیکرٹری عدنان فاروق قریشی کے گھر کے باہر مسلسل دوسرے روز بھی اندھا دھند فائرنگ کی گئی۔فائرنگ سے کوئی جانی نقصان نہیں ہوا،علاقہ میں شدید خوف و ہراس پھیل گیا۔عدنان قریشی کےگھر کے شیشے ٹوٹ گئے،پولیس ون فائیو پر اطلاع دینے کے باوجود آدھ گھنٹہ تاخیر سے پہنچی، گولیوں کے خول پولیس کے حوالے کردئیے گئے،تاحال ملزمان گرفتار نہیں ہوسکے۔
یہ واقعہ منگل کی شب گیارہ بجے پیش آیا۔عدنان قریشی کے مطابق ملزمان کا ان کے ہمسائے ارتضی شاہ کے ساتھ تنازعہ چل رہا ہے۔انہوں نے بتایا کہ حملہ آوروں کی تعداد چھے تھی اور وہ تین موٹر سائیکلوں پر سوارتھے۔ملزمان کا ارتضیٰ شاہ سے لین دین کا جھگڑا ہے۔عدنان کے گھر
کے باہر ایک روز قبل بھی فائرنگ کی گئی تھی۔ ایس ایچ او تھانہ گلگشت سعید سیال کا کہنا ہے کہ ملزمان کتنے ہی بھی بااثرکیوں نہ ہوں انہیں جلد گرفتار کر لیا جائیگا۔
فیس بک کمینٹ